દેશભરમાંથી 50 યુવા ઉમેદવારો પસંદ કરાશે, 9 મહિનાની ટ્રેનિંગ હશે
રાજનીતિમાં આવવાનું સપનું જોઈ રહેલા યુવાનો માટે હવે એક
પ્રોફેશનલ તાલીમ કેન્દ્ર શરૂ થવાનું છે. આ રાજનીતિની પાઠશાળામાં યુવાનો ઈમાનદાર
રાજનીતિની સાથે ચૂંટણી લડવા, જીતવા અને જનતાનું દિલ જીતવાના પાઠ ભણાવાશે. ઈન્ડિયન સ્કૂલ
ઓફ ડેમોક્રસીના બેનર તળે આ કોર્સની શરૂઆત થઈ રહી છે. સ્વતંત્રતા દિવસ (15 ઓગસ્ટ)થી ટ્રેનિંગ પ્રોગ્રામ શરૂ
થઈ જશે.
પક્ષીય રાજનીતિથી અલગ રાજનીતિના આ પાઠશાળામાં દરેક
વિચારધારાના લોકોને સ્થાન મળશે. દેશભરમાંથી 50 યુવાન ઉમેદવારો પસંદ કરાશે. તેમને 9 મહિના તાલીમ અપાશે. અમેરિકાની
કોલંબિયા અને હાર્વર્ડ યુનિવર્સિટીમાં લોકનીતિ (પબ્લિક પોલિસી)નો અભ્યાસ કરીને
નીકળેલા એક્સપર્ટ અહીં ટ્રેનિંગ આપશે. લેક્ચર આપવા માટે અલગ-અલગ પાર્ટિઓના વરિષ્ઠ
નેતાઓ બોલાવવામાં આવશે.
જાપાનની માત્સુશિતા સંસ્થા જેવો
પ્રયોગ
આ નવી
સ્કૂલની શરૂઆત પ્રખર ભારતીય અને હેમાક્ષી મેઘાણી નામના બે યુવાનો કરી રહ્યા છે.
હેમાક્ષી હાર્વર્ડ અને પ્રખર કોલંબિયા યુનિવર્સિટીથી લોકનીતિમાં પોસ્ટ
ગ્રેજ્યુએશનની ડિગ્રી લઈ ચૂક્યા છે. આ બંનેએ જાપાનની માત્સુશિતા સંસ્થાની જેમ આ
પ્રયોગ કર્યો છે.
ટ્રેનિંગ અને રહેવાની ફી 2 લાખ રૂપિયા
આ
ટ્રેનિંગ પ્રોગ્રામની ફી 2 લાખ
રૂપિયા રાખવામાં આવી છે. તેમાં રહેવાનો ખર્ચ અને મેદાની તાલીમ સામેલ છે. પસંદ
કરાયેલા લોકોને સ્કોલરશિપ પણ અપાશે. આ માટે દેશના એ ઉદ્યોગપતિઓ અને કોર્પોરેટ ગૃહોનો
સંપર્ક કરવામાં આવી રહ્યો છે, જેઓ ઈમાનદારીથી રાજનીતિને પ્રોત્સાહન આપવા માગે છે.