બિઝનેસ ઓછો થવાથી કર્મચારીઓની સંખ્યા પણ 75થી ઘટી 25 થઈ ચૂકી છે
આ છે દુનિયાનું સૌથી મોટું લવન્ડર ફાર્મ. ઓસ્ટ્રેલિયાના
દક્ષિણ રાજ્ય તસ્માનિયાસ્થિત આ બ્રાઈડસ્ટો લવન્ડર ફાર્મ ભારતીય પર્યટકોની રાહ જોઈ
રહ્યું છે. ખરેખર 45 હજાર
હેક્ટરમાં ફેલાયેલા આ ફાર્મમાં લવન્ડરના 6 લાખ 66 હજાર છોડવા છે. આ ફૂલોની લાઈનની
લંબાઈ મપાય તો તે 200 કિ.મી.માં
ફેલાયેલી છે. આ ફાર્મમાં ઊગતા લવન્ડરનો ફ્રેન્ચ વેરાયટીના પરફ્યૂમ અને ખાદ્ય
પદાર્થોમાં ઉપયોગ થાય છે. ફાર્મના માલિક રોબર્ટ રેવન કહે છે કે સૌથી ઉત્સાહજનક
રિસ્પોન્સ ભારતીય પર્યટકો તરફથી જ મળ્યો છે. તમિલ ફિલ્મ બૉઈઝના ગીત અલે અલેનું
શૂટિંગ આ ફાર્મમાં થયું હતું. તેના પછી ભારતીય પર્યટકો તેની તરફ વધુ આકર્ષાયા હતા.
કોરોનાની અસર - કોરોનાની અસર આ ફાર્મ પર પણ થઈ છે.
પહેલાં દર વર્ષે સરેરાશ 85,000 પર્યટકો
આવતા હતા. હાલ વિદેશીઓ માટે બોર્ડર બંધ હોવાથી આ સંખ્યા અડધીથી પણ ઓછી થઈ ચૂકી છે.
બિઝનેસ ઓછો થવાથી કર્મચારીઓની સંખ્યા પણ 75થી ઘટી 25 થઈ ચૂકી છે.
1921માં વસાવાયું - આ ફાર્મ લંડનના પરફ્યૂમના વેપારી
સી.કે.ડેનીએ 1921માં
વસાવ્યું હતું. તે પોતાની સાથે ફ્રાન્સના દક્ષિણ વિસ્તારમાંથી લવન્ડરની ખાસ
પ્રજાતિનાં બી લાવ્યાં હતાં. તેનાથી જ દુનિયાના સૌથી મોટા લવન્ડર ફૂલોના બગીચાની
શરૂઆત થઇ હતી.