આશરે 550 કરોડના બજેટમાં બનેલી RRR અત્યાર સુધીની સૌથી મોંઘી ભારતીય ફિલ્મ છે
મુંબઈ: સાઈટ એન્ડ સાઉન્ડ ( Sight and Sound
magazine)પત્રિકાએ
તેની 'વર્લ્ડ ટોપ-50 બેસ્ટ ફિલ્મસ 2022' (World TOP-50
best films 2022) ની
યાદી બહાર પાડી છે. આ યાદીમાં ભારતની એક ફિલ્મે ધૂમ મચાવી છે. આ યાદીમાં એકમાત્ર
ભારતય ફિલ્મને સામેલ કરવામાં આવી છે. તે ફિલ્મનું નામ RRR છે.
તમને
જણાવી દઈએ કે વિશ્વની 41
ફિલ્મોને
પછાડીને સાઉથના દિગ્ગજ નિર્દેશક એસ. એસ. રાજામૌલીની 'RRR'એ વિશ્વની ટોપ-50 બેસ્ટ ફિલ્મસની યાદીમાં 9મું સ્થાન મેળવ્યુ છે. આ
સમાચાર સામે આવતા RRR
ફરી
એકવાર ચર્ચામાં આવી ગઈ છે.
જૂનિયર
એન.ટી.આર,
રામ
ચરણ, અજય દેવગન અને આલિયા
ભટ્ટ સ્ટારર ફિલ્મ RRRને માત્ર દેશભરમાં જ
નહીં પરંતુ વિશ્વભરમાં ખૂબ જ પસંદ કરવામાં આવી હતી અને આ ફિલ્મે બોક્સ ઓફિસ પર પણ
જોરદાર કમાણી કરી હતી. આ ફિલ્મે બોક્સ ઓફિસના તમામ રેકોર્ડ પણ તોડ્યા હતા. દર્શકોએ
ફિલ્મ પર ખૂબ જ પ્રેમ વરસાવ્યો હતો.
આ વર્ષે 14 માર્ચના રોજ
સિનેમાધરોમાં રિલીઝ થયેલી ફિલ્મ RRR જો તમે ન જોઈ હોય તો તમે તેને ઘરે બેસીને પણ જોઈ શકો
છો. આ ફિલ્મ હવે OTT
પર
પણ ઉપલબ્ધ છે.
તમને
જણાવી દઈએ કે તાજેતરમાં IMBDએ પોતાની 'TOP-10 Best Films
2022'ની
યાદી જાહેર કરી હતી. આ યાદીમાં પણ RRRએ પ્રથમ સ્થાન પ્રાપ્ત કર્યું
હતું. આ દૃષ્ટિકોણથી જોવામાં આવે તો વર્ષભર ફિલ્મ કોરિડોરમાં RRRની ચર્ચાઓ થતી રહી છે.
ફિલ્મ
RRRની ઔપચારક જાહેરાત માર્ચ
2018માં કરવામાં આવી હતી. COVID-19ની મહામારીના કારણે આ
ફિલ્મની રિલીઝમાં વિલંબ થયો હતો. યુક્રેન અને બુલ્ગારિયામાં શૂટ થયેલા કેટલાક
દૃશ્યો સાથે આ ફિલ્મનું સમગ્ર ભારતમાં વ્યાપક પણે શૂટિંગ કરવામાં આવ્યું હતું.
આશરે 550 કરોડના બજેટમાં બનેલી RRR અત્યાર સુધીની સૌથી મોંઘી ભારતીય ફિલ્મ છે. મળતી માહિતી અનુસાર આ ફિલ્મ બોક્સ ઓફિસ પર લગભગ 1200 કરોડની કમાણી કરવામાં સફળ રહી હતી. ત્યારે વિશ્વની ટોપ-50 બેસ્ટ ફિલ્મોની યાદીમાં એક ભારતીય ડોક્યુમેન્ટરીને પણ સામેલ કરવામાં આવી છે. તેનું નામ ઓલ ધેટ બ્રીધસ (All That Breathes) છે. આ યાદીમાં ડોક્યુમેન્ટરી ફિલ્મે 32 નંબરનું સ્થાન પ્રાપ્ત કર્યું છે.