આ કાયદો 7 ડિસેમ્બરથી અમલી બનવાનો હતો
અમેરિકી કોર્ટે ડોનાલ્ડ ટ્રમ્પ સરકાર દ્વારા પ્રસ્તાવિત
આઇટી કંપનીઓને વિદેશી કર્મચારીઓની નિમણૂક કરતા રોકતા H-1B વિઝાના બે નિયમોની વિરુદ્ધમાં
ચુકાદો આપતાં ત્યાંની આઇટી કંપનીઓના હજારો સ્કિલ્ડ ફોરેન વર્કર્સને રાહત સાંપડી
છે. હવે ગેરમાન્ય ઠરી ચૂકેલા આ બે નવા નિયમો 7 ડિસેમ્બરથી અમલી બની રહ્યા હતા. તે
અમલમાં આવ્યા હોત તો અમેરિકી કંપનીઓની સ્કિલ્ડ ફોરેન વર્કર્સ રાખવાની ક્ષમતામાં
ધરખમ ઘટાડો થયો હોત, જેના
કારણે કંપનીઓને અને સરવાળે અમેરિકી અર્થતંત્રને ભારે નુકસાન થાય તેમ હતું.
સ્પેશિયાલિટી ઓક્યુપેશન્સ પર
લિમિટની જાહેરાત
ભારતના
આઇટી પ્રોફેશનલ્સને જેનો ભારે મોહ છે તેવા H-1B વિઝા નોન-ઇમિગ્રન્ટ વિઝા છે, જે અમેરિકી કંપનીઓને તજ્જ્ઞતા
ધરાવતા વિદેશી વર્કર્સ રાખવાની છૂટ આપે છે. કોરોના મહામારીના કારણે અમેરિકામાં ઘણા
લોકોએ નોકરી ગુમાવતાં ઓક્ટોબરમાં ટ્રમ્પ સરકારે સ્કિલ્ડ ફોરેન વર્કર્સને નોકરી પર
રાખતી કંપનીઓ પર સેલરી રિક્વાયરમેન્ટ્સ લાદવાની અને સ્પેશિયાલિટી ઓક્યુપેશન્સ પર
લિમિટની જાહેરાત કરી હતી. નવા નિયમો હેઠળ H-1B વર્કર્સનું લઘુત્તમ વેતન સરેરાશ 40% વધારાયું હતું, જેના કારણે કેટલાંક ક્ષેત્રોમાં
તેઓ બજારમાંથી ફેંકાઇ જાય તેવી નોબત આવે તેમ હતી.
થર્ડ પાર્ટી માટે વિઝા વેલિડિટી 1 વર્ષ કરી
ડિપાર્ટમેન્ટ
ઑફ હોમલેન્ડ સિક્યુરિટી (DHS)એ
સ્પેશિયાલિટી ઓક્યુપેશનની અને એમ્પ્લોઇ-એમ્પ્લોયર રિલેશનશિપની વ્યાખ્યા બદલી છે
અને થર્ડ-પાર્ટી વર્કસાઇટ પર કામ કરતા વર્કર્સ માટે H-1B વિઝાની વેલિડિટી ત્રણના બદલે એક
વર્ષની કરી છે. ઇન્ડસ્ટ્રી બૉડી નાસ્કોમે એક નિવેદનમાં જણાવ્યું કે, કોર્ટે હાઇ સ્કિલ વિઝા
પ્રોગ્રામ્સનું મહત્ત્વ સમજીને આપેલા ચુકાદાને અમે આવકારીએ છીએ. આ ચુકાદો અમેરિકી
કંપનીઓને કોરોના મહામારી બાદની દુનિયામાં ઇકોનોમિક રિકવરી માટે નિર્ણાયક બની
રહેનારી ટેલેન્ટેડ વર્ક ફોર્સ મેળવવામાં મદદરૂપ થશે.