આવેશ ખાને મેચમાં 18 રન આપી 4 વિકેટ લીધી હતી. આવેશ ખાનની ત્રીજી ઓવર (ઈનિંગની 15મી ઓવર) ઘણી રસપ્રદ રહી હતી
રાજકોટ: ઈન્ડિયન ટીમે
રાજકોટમાં રમાયેલી ચોથી T20 ઈન્ટરનેશનલ
મેચમાં દ.આફ્રિકાએ 82 રનથી હરાવી
દીધું છે. આ જીતની સાથે જ ભારતીય ટીમે 5 મેચની સિરીઝમાં 2-2ની બરાબરી કરી
લીધી છે. ભારતની આ જીતનો હીરો ઈન્દોરનો રહેવાસી ફાસ્ટ બોલર આવેશ ખાન છે.
આવેશ ખાને મેચમાં 18 રન આપી 4 વિકેટ લીધી હતી.
આવેશ ખાનની ત્રીજી ઓવર (ઈનિંગની 15મી ઓવર) ઘણી રસપ્રદ રહી હતી. આ
ઓવરમાં આવેશે ત્રણ વિકેટ લીધી અને આફ્રિકન ખેલાડી માર્કો યાન્સેને પોતાના ફાસ્ટ
બાઉન્સરથી ડરાવી દીધો હતો. બાઉન્સર
એટલો આક્રમક હતો કે મેચને 10 મિનિટ સુધી
રોકવી પડી. આવેશે આ મેચ પોતાના પિતાને સમર્પિત કરી હતી. શુક્રવારે તેમના પિતાનો
જન્મ દિવસ હતો.
આવેશની ઓવર પર
નજર કરીએ...
· પહેલો બોલઃ બેક ઓફ લેન્થ
બોલને માર્કો યાન્સને થર્ડ મેન પર રમી એક રન લીધો
· બીજો બોલઃ દ.આફ્રિકાનો
ધીમો રન રેટ ફાસ્ટ કરવા ડૂસેને લોફ્ટેડ શોટ રમ્યો જેનો કેચ ડિપ મિડવિકેટ પર ઋતુરાજ
ગાયકવાડે પકડી લીધો હતો.
· ત્રીજો બોલઃ આવેશની ફાસ્ટ
બાઉન્સર યાન્સનના માથાના પાછળના ભાગ પર વાગ્યો. તે આ દરમિયાન દર્દથી કણસતો જોવા
મળ્યો હતો. ત્યારપછી કન્કશન નિયમના કારણે ફીઝિયોએ ગ્રાઉન્ડ પર જઈને રૂટીન ચેકઅપ
કર્યું હતું. લગભગ 10 મિનિટ સુધી મેચ રોકવી પડી હતી.
· ચોથો બોલઃ બાઉન્સર વાગ્યા
પછી યાન્સને ડીપ મિડવિકેટ પર શોટ રમ્યો જેનો સીધો કેચ ગાયકવાડના હાથમાં આવી ગયો
હતો.
· પાંચમો બોલઃ આવેશે વધુ એક
બાઉન્સર ફેંક્યો. તેનો બાઉન્સ પરખી ન શકતા વિકેટકીપર રિષભ પંત પણ બોલ રોકી ન શક્યો
અને દ.આફ્રિકાને 4 રન બાયમાં મળ્યા હતા.
· છઠ્ઠો બોલઃ આવેશે કેશવ મહારાજની વિકેટ લીધી અને આ ઓવરમાં 3 ખેલાડીને પેવેલિયન ભેગા કરી દીધા હતા. ત્યારપછી દ.આફ્રિકાની ટીમ ધ્વસ્ત થઈ ગઈ હતી.
પહેલી ત્રણ મેચમાં આવેશ વિકેટ
નહોતો લઈ શક્યો
આવેશ ખાન આ સિરીઝની પહેલી 3 મેચમાં વિકેટ નહોતો લઈ શક્યો.
તેવામાં ભારતીય ટીમ મેનેજમેન્ટની પસંદગી સામે સવાલો ઉઠી રહ્યા હતા. જોકે આ વખતે
આવેશે 4 વિકેટ ઝડપી
પોતાના દમ પર મેચ જિતાડી દીધી હતી. ભારતીય ટીમની બાજી પલટી દીધી હતી.