Home
News
મુંબઈ ઈન્ડિયન્સ બાદ પંજાબ પણ પ્લેઓફની રેસમાંથી બહાર થયું

બેંગલુરુએ 60 રનથી હરાવ્યું, કોહલી સદી ચૂકી ગયો; સિરાજની 3 વિકેટ

Written By newsonline | Ahmedabad | Published: 2024-05-10 11:52:13

નવી દિલ્લી: પંજાબ કિંગ્સ ગુરુવારે ઈન્ડિયન પ્રીમિયર લીગ (IPL 2024)માં પ્લેઑફની રેસમાંથી બહાર થઈ ગઈ હતી. ટીમને રોયલ ચેલેન્જર્સ બેંગલુરુ (RCB)એ તેમના હોમ ગ્રાઉન્ડ ધર્મશાલામાં 60 રને પરાજય આપ્યો હતો. આ જીત સાથે, બેંગલુરુએ પ્લેઑફ માટે ક્વોલિફાય થવાની આશા જીવંત રાખી છે.

HPCA સ્ટેડિયમમાં પંજાબે ટૉસ જીતીને બોલિંગ કરવાનું પસંદ કર્યું હતું. RCBએ 20 ઓવરમાં 7 વિકેટ ગુમાવીને 241 રન બનાવ્યા હતા. વિરાટ કોહલીએ 92, રજત પાટીદારે 55 અને કેમરૂન ગ્રીને 46 રન બનાવ્યા હતા. પંજાબ તરફથી હર્ષલ પટેલે 3 અને વિદ્વત કવેરપ્પાએ 2 વિકેટ ઝડપી હતી.

પંજાબ કિંગ્સ 17 ઓવરમાં 181 રન બનાવીને ઓલઆઉટ થઈ ગઈ હતી. ટીમ તરફથી રિલી રુસોએ 61 રન બનાવ્યા હતા. જ્યારે શશાંક સિંહ માત્ર 37 રન જ બનાવી શક્યો, જોની બેયરસ્ટો 27 રન અને સેમ કરન માત્ર 22 રન બનાવી શક્યો. બેંગલુરુ તરફથી મોહમ્મદ સિરાજે 3 વિકેટ લીધી હતી. કર્ણ શર્મા, સ્વપ્નિલ સિંહ અને લોકી ફર્ગ્યુસને 2-2 વિકેટ લીધી હતી.