અમદાવાદના કાકરિયા ઉજાણીગૃહ પાસે AMCના ડમ્પરે કોલેજના મહિલા પ્રોફેસરને ટક્કર મારતા તેમનું ઘટનાસ્થળે મોત નિપજ્યું હતું.
Written By newsonline | Ahmedabad | Published: 2019-10-11 14:05:57
અમદાવાદ-અમદાવાદના કાકરિયા ઉજાણીગૃહ પાસે AMCના ડમ્પરે કોલેજના મહિલા પ્રોફેસરને ટક્કર મારતા તેમનું ઘટનાસ્થળે મોત નિપજ્યું હતું.પ્રાપ્ત વિગતો મુજબ કેકે શાસ્ત્રી કોલેજના મહિલા પ્રોફેસર આરતી ઝવેરી (ઉં.વ.34) એક્ટિવા ઉપર કાંકરીયા પાસેથી પસાર થઈ રહ્યા હતા ત્યારે અમદાવાદ મ્યુનિસિપલ કોર્પોરેશનના ડમ્પરે તેમને જોરદાર ટક્કર મારી હતી જેને પગલે તેઓ ફંગોળાઈને રોડ પર નીચે પટકાયા હતા. ડમ્પરની ટક્કર એટલી ભયાનક હતી કે ઘટનાસ્થળ પર જ મહિલાનું મોત થઈ ગયું હતું. આ અકસ્માતને પગલે આસપાસના રહીશો ઘટનાસ્થળ પર દોડી આવ્યા હતા.
ઘટનાને નજરે જોનારા લોકોના મતે
ડમ્પરે મહિલાના સ્કૂટરને જોરદાર ટક્કર મારી હતી જેને પગલે મહિલા નીચે પટકાઈ હતી
મહિલાને ગંભીર ઈજાઓ પહોંચતા તેમજ લોહી વહી જવાથી તેનું ઘટના સ્થળે જ પ્રાણ પંખેરુ
ઉડી ગયું હતું.
મણિનગર પોલીસની ચારથી વધુ ગાડીઓ પણ
ઘટના પર પહોંચી હતી. લોકોએ ડમ્પર ચાલકને ઝડપીને પોલિસને સોંપ્યો હતો. પોલીસે આ
ગંભીર અક્સમાત બાબતે આગળ કાર્યવાહી હાથ ધરી હતી.
Related News
