1 હજાર કરોડના કૌભાંડમાં પરેશના પિતાની સંડોવણી સામે આવી

અમદાવાદ: એસજીએસટીમાં 1 હજાર કરોડના બોગસ બિલિંગ કૌભાંડના મુખ્ય આરોપી પરેશ ચૌહાણની 72 જેટલી બોગસ પેઢીઓ મળી આવી છે. બોગસ બિલિંગના માસ્ટર માઇન્ડ પરેશ ચૌહાણને આ લાઇન બતાવનાર તેના પિતા નાથાલાલ ચૌહાણ હોવાનું બહાર આવ્યું છે. પિતા-પુત્રની જુગલબંધીએ જીએસટી પહેલા વેટમાં 36 બોગસ કંપનીઓ બનાવી હતી. પિતા-પુત્રે વર્ષ 2017-18માં ડિલક્સ કોર્પોરેશન નામની બોગસ પેઢી બનાવીને તેમાં 38.92 કરોડનું બોગસ બિલિંગ કૌભાંડમાં અગાઉ પકડાયા હતા. પરેશ ચૌહાણના સંબંધીના ઘરમાંથી મળેલા લેપટોપમાં બોગસ 117 પેઢીના નામ બહાર આવ્યા છે. લેપટોપમાં એન્ટ્રીઓના આધારે 72 કંપનીના નામ બહાર આવ્યા છે. બોગસ પેઢીઓના ચેકબુક, રબર સ્ટેમ્પ અને બોગસ ઇન્વોઇસ મળી આવ્યા હતા. જ્યારે 45 કંપની જે જીએસટીમાં રજિસ્ટર છે તેમને સામે કાયદાકીય પગલા લેવા જઇ રહી છે.

બોગસ બિલો મૂક્યા હતા
બોગસ બિલિંગ કૌભાંડનો માસ્ટર માઇન્ડ પરેશ ચૌહાણે સર્વિસ પ્રોવાઇડર તરીકે બોગસ બિલો મૂકીને અંદાજે રૂ. 300 કરોડની આઇટીસી ઘર ભેગી કરી લીધી હતી. સામાન્ય રીતે ગૂડઝના ખરીદ-વેચાણ ઉપર કૌભાંડો બહાર આવતા હતા પરંતુ પહેલી વખત સર્વિસ પ્રોવાઇડર તરીકેનું કૌભાંડ બહાર આવ્યું છે.

અધિકારીઓની સંડોવણી
કૌભાંડમાં જીએસટીના ઇન્સ્પેક્ટર સહિત અમુક સ્ટાફ સંડોવાયેલા હતા. ઈન્સ્પેક્ટર નરેન્દ્ર મકવાણાની તાજેતરમાં પોરબંદર બદલી કરી દેવાઇ જ્યારે બે વર્ષ અગાઉ નિલેશ માલીએ 27 બોગસ કંપનીમાં 1348 કરોડના વ્યવહારો સામે 67.52 કરોડની આઇટીસી કૌભાંડમાં જીએસટીના ઈન્સ્પેક્ટર નીતિન પરમારની સંડોવણી બહાર આવતા સસ્પેન્ડ કરાયો હતો.

પરેશ ચૌહાણે આ લોકોના નામથી 35 પેઢીઓ બનાવી હોવાનો ખુલાસો થયો