એમએસ ધોનીની કપ્તાનીમાં CSK 2010, 2011 અને 2018માં ચેમ્પિયન બન્યું હતું

વેસ્ટ ઇન્ડીઝના ઓલરાઉન્ડર ડ્વેન બ્રાવોએ પૂર્વ ભારતીય કેપ્ટન એમએસ ધોનીને ક્રિકેટના સૌથી મોટા સુપરસ્ટાર કહ્યા છે. તેણે કહ્યું કે, ઈન્ડિયન પ્રીમિયર લીગ (IPL)માં ચેન્નાઈ સુપરકિંગ્સ (CSK)ની સફળતામાં ધોની અને ન્યૂઝીલેન્ડના પૂર્વ કેપ્ટન સ્ટિફન ફ્લેમિંગની મહત્ત્વની ભૂમિકા રહી છે.

એમએસ ધોનીની કપ્તાનીમાં CSK 2010, 2011 અને 2018માં ચેમ્પિયન બન્યું હતું. આ દરમિયાન ફ્લેમિંગ હેડ કોચ હતા અને હજી પણ યથાવત છે.

CSKમાં બધા નિર્ણય ડ્રેસિંગ રૂમમાંથી લેવામાં આવે છે
બ્રાવોએ ઝિમ્બાબ્વેના પૂર્વ ફાસ્ટ બોલર પોમી બાંગ્વા સાથે ઇન્સ્ટાગ્રામ પર ચેટ કર્યું હતું. આ દરમિયાન બ્રાવોએ કહ્યું, 'હું માનું છું કે CSKની સફળતાનો સંપૂર્ણ શ્રેય ધોની અને ફ્લેમિંગને આપવો જોઈએ. ટીમ માલિકોને પણ બંનેમાં પૂરો વિશ્વાસ છે. તેથી જ્યારે પણ ટીમમાં નિર્ણય લેવામાં આવે છે, ત્યારે કોઈ બહારની વ્યક્તિ દખલ કરતી નથી. ધોની અને ફ્લેમિંગ આ ક્ષેત્રના શ્રેષ્ઠ વિદ્યાર્થીઓ છે. બધા ખેલાડીઓ ધોનીને ચાહે છે, કેમ કે તે હંમેશા ડ્રેસિંગ રૂમનું વાતાવરણ જાળવે છે."

બ્રાવોએ બે વખત પર્પલ કેપ પોતાના નામે કરી
બ્રાવોએ 2011થી અત્યાર સુધીમાં CSK માટે 104 મેચમાં 121 વિકેટ લીધી છે. તેણે IPLમાં 2 વાર 2013 અને 2015માં સૌથી વધુ વિકેટ લઈને ઓરેન્જ કેપ પોતાના નામે કરી હતી.

ધોનીને વીડિયો ગેમ પસંદ છે
વિન્ડિઝના ઓલરાઉન્ડરે કહ્યું, ' ધોની ક્રિકેટમાં ખૂબ મોટો સુપરસ્ટાર છે. તે મેદાનની બહાર પણ લોકો સાથે ખૂબ જ સરળતાથી વાતો કરે છે. તેને વિડીયો ગેમ્સ રમવાનું પસંદ છે. જ્યારે પણ તમે તેમની સાથે વાત કરવા જાઓ છો, ત્યારે તેમના દરવાજા હંમેશા ખુલ્લા મળશે. જ્યારે પણ તમે કોઈ મોટા સુપરસ્ટારની વાત કરો છો, તો ધોની હંમેશા તમારા મગજમાં આવશે. CSK એક ખૂબ જ ખાસ ટીમ છે અને અમારા ખૂબ પ્રામાણિક ચાહકો છે. "