આ પરીક્ષા 45 હજાર વિદ્યાર્થીઓની નોંધણી કરવામાં આવી છે
અમદાવાદ: આજે અમદાવાદ શહેરમાં
બોર્ડની પરીક્ષા માટે એક નવતર પ્રયોગ કરવામાં આવ્યો છે. વિદ્યાર્થીઓને બોર્ડની
પરીક્ષાનો ભય દુર થાય તેમજ તણાવમુક્ત પરીક્ષા આપી શકે તે માટે ત્રણ દિવસ
પ્રિ-બોર્ડની પરીક્ષા લેવાનું આયોજન કરવામાં આવ્યુ છે. આ પરીક્ષાનો આજથી પ્રારંભ
થયો છે.
આગામી
માર્ચ મહિનામાં શરુ થનારી બોર્ડની પરીક્ષા પહેલા ડીઈઓ કચેરી દ્વારા નવા પ્રયોગ
સ્વરુપે આજથી શહેરમાં પ્રિ-બોર્ડની પરીક્ષા શરુ થઈ છે. આ માટે શહેરની 600 શાળાઓમાં પરીક્ષા લેવાઈ
રહી છે. આ પરીક્ષા માટે 45
હજાર
જેટલા વિદ્યાર્થીઓની નોંધણી કરવામાં આવી હતી. આ પરીક્ષા માટે 15 સ્ક્વોડની પણ રચના
કરવામાં આવી છે. વિદ્યાર્થીઓ આગામી બોર્ડની પરીક્ષા કોઈપણ ભય કે તણાવ વગર આપી શકે
તે માટે આ પરીક્ષાનું આયોજન કરવામાં આવ્યુ છે. આજથી ત્રણ દિવસ સુધી ચાલનારી
પરીક્ષામાં ધોરણ 10માં અંગ્રેજી, ગણિત અને વિજ્ઞાન વિષયની
પરીક્ષા લેવામાં આવશે. આ પરીક્ષા માટે બોર્ડની પદ્ધતિ મુજબનું પ્રશ્નપત્ર ડીઈઓ
કચેરી દ્વારા તૈયાર કરવામાં આવ્યા છે અને સ્કૂલોને પરીક્ષાના અગાઉના દિવસે જ મે-ઈલ
દ્વારા મોકલી આપવામાં આવશે.