અન્ય રાજ્યોની સરખામણીએ ગુજરાત કુલ કેસમાં 11મા ક્રમે છે જ્યારે એક્ટિવ કેસમાં 12મા ક્રમે છે

રાજ્યમાં કોરોનાના કેસ એક લાખ પાર કરી ગયા છે. કોરોનાના કારણે લૉકડાઉનના 68 દિવસ અને અનલૉકના ત્રણ તબક્કામાં મળી અત્યાર સુધી કેસનો આંકડો 100375 થયો છે જેમાં 81180 દર્દીઓ એટલે કે 81 ટકા દર્દીઓ સાજા થઇ ગયા છે. 3 ટકા દર્દીઓના મૃત્યુ થયા છે. હાલમાં 16 ટકા એક્ટિવ કેસ છે.

આજ સુધી કુલ 25,59,916 ટેસ્ટ કરવામાં આવ્યા છે. જેમાં 1593758 ટેસ્ટ એટલે કે 68 ટકા ટેસ્ટ માત્ર ઑગસ્ટ મહિનામાં જ કરવામાં આવ્યા છે. સપ્ટેમ્બરના પહેલા 3 દિવસમાં 2.28 લાખ ટેસ્ટ કરાયા છે. કુલ ટેસ્ટમાંથી 4 ટકા દર્દીઓ પોઝિટિવ આવ્યા છે. અન્ય રાજ્યોની સરખામણીએ કુલ કેસમાં ગુજરાત 11મા ક્રમે છે જ્યારે એક્ટિવ કેસમાં 12મા ક્રમે છે.

‘દોડતું ગુજરાત’ હવે ફરી ધમધમતું

·         હોટેલ- રેસ્ટોરન્ટ હવે રાત્રે 11 વાગ્યા સુધી ખુલ્લા

·         દુકાનો ગમે તેટલા સમય માટે ખુલ્લી રહી શકશે

·         7મી સપ્ટેમ્બરથી અમદાવાદમાં મેટ્રો ટ્રેન દોડી શકશે

·         21મી સપ્ટેમ્બરથી ઓપનએર થિયેટર શરૂ કરી શકાશે

·         60 ટકા ક્ષમતા સાથે લાયબ્રેરી શરૂ થઇ ગઇ છે

·         ખાનગી બસો અમદાવાદ,સુરતમાં 50 ટકા, અન્ય શહેરોમાં 60 ટકા મુસાફરો સાથે

·         બંધ બાગ-બગીચાઓ પણ હવે જાહેર જનતા માટે ખુલી ગયા

રાજ્યમાં કુલ ટેસ્ટ 2559916, કેસ 100375, સાજા થયેલા દર્દીઓ 81180, મૃત્યુ 3064