Rajasthan Royals: નવદીપ સૈનીને ગયા મહિને થયેલી હરાજીમાં રાજસ્થાન રોયલ્સે ખરીદ્યો હતો. તેના માટે રોયલ્સે 2 કરોડ 60 લાખ રૂપિયાની બોલી લગાવી હતી.

ફાસ્ટ બોલર નવદીપ સૈની (Navdeep Saini) નો આગામી IPL 2022 માટે રાજસ્થાન રોયલ્સ ટીમ (Rajasthan Royals) માં સમાવેશ કરવામાં આવ્યો છે. નવદીપ સૈનીએ ટીમ સાથે જોડાવાની અને ટૂર્નામેન્ટ માટે મેદાનમાં ઉતરવા અંગેનો ઉત્સાહ શેર કર્યો છે. તેણે ટીમના કેપ્ટન સંજુ સેમસન (Sanju Samson) સાથેના તેના સંબંધો વિશે વાત કરી અને કહ્યું કે તે તેની કેપ્ટનશિપમાં રમવા માટે ઉત્સુક છે. નવદીપ સૈનીએ કહ્યું કે, સંજુ સાથે મારા સારા સંબંધ છે. મેં તેની સાથે રાષ્ટ્રીય ટીમમાં ઘણો સમય વિતાવ્યો છે અને મેદાનની બહાર તેની સાથે ઘણી ચર્ચા કરી છે. મને લાગે છે કે તેની નીચે રમવું એક નવો અનુભવ હશે. તે એવો ખેલાડી છે જે ટીમની આસપાસ આનંદનું વાતાવરણ બનાવે છે. તે દરેકને ટીમનો ભાગ બનવામાં મદદ કરે છે.

નવદીપ સૈનીને ગયા મહિને થયેલી હરાજીમાં રાજસ્થાન રોયલ્સે ખરીદ્યો હતો. તેના માટે રોયલ્સે 2 કરોડ 60 લાખ રૂપિયાની બોલી લગાવી હતી. સૈનીએ આઈપીએલમાં 28 મેચ રમી છે અને 17 વિકેટ લીધી છે. નવદીપ સૈનીએ કહ્યું કે શ્રીલંકાના દિગ્ગજ કમર સંગાકારા અને લસિથ મલિંગા પાસેથી શીખવું તેના માટે ઘણું સારું રહેશે.

સંગાકારા ટીમના ક્રિકેટ ઓપરેશન્સના ડિરેક્ટર છે અને લસિથ મલિંગાને બોલિંગ કોચ તરીકે નિયુક્ત કરવામાં આવ્યા છે. મલિંગા પાસે ટૂંકી ફોર્મેટમાં બોલિંગ અને કોચિંગનો બહોળો અનુભવ છે. તેણે મુંબઈ ઈન્ડિયન્સને પોતાની સેવાઓ આપી છે. આવી સ્થિતિમાં રાજસ્થાન રોયલ્સ સાથે રમતા સૈની પાસે તેની પાસેથી શીખવાની મોટી તક હશે.

રાજસ્થાન રોયલ્સની ટીમ

સંજુ સેમસન (સુકાની), જોસ બટલર, યશસ્વી જયસ્વાલ, ધ્રુવ જુરેલ, કરુણ નાયર, રૈસી વેન ડેર ડુસેન, શિમરોન હેટમાયર, દેવદત્ત પડિકલ, ડેરીલ મિશેલ, અનુનય સિંહ, રિયાન પરાગ, શુભમ ગઢવાલ, રવિ અશ્વિન, જેમ્સ નીશમ, કુલદીપ સેન, નવદીપ સૈની, ટ્રેન્ટ બોલ્ટ, નાથન કુલ્ટર-નાઈલ, ઓબેદ મેકકોય, ફેમસ ક્રિષ્ના, કેસી કરિઅપ્પા, તેજસ બરોકા, યુઝવેન્દ્ર ચહલ, કુલદીપ યાદવ.