હાલમાં, ડિઝની પ્લસ હોટસ્ટાર પાસે ડિજિટલ રાઇટ્સ છે અને સ્ટાર પાસે ટીવી રાઇટ્સ છે. સ્ટારે 8 વર્ષ પહેલા આના રાઇટ્સ ખરીદ્યા હતા. ACC એ મીડિયા રાઇટ્સના ઓક્શન માટે તમામ ટોચના બ્રોડકાસ્ટર્સને ડિનર માટે પણ આમંત્રણ આપ્યું છે.
જય શાહ એશિયન ક્રિકેટ કાઉન્સિલ (ACC)ના પ્રમુખ પદેથી રાજીનામું આપી શકે છે. જય શાહ અત્યારે ભારતીય ક્રિકેટ કંટ્રોલ બોર્ડ (BCCI)માં સેક્રેટરી તરીકે પણ કામ કરી રહ્યા છે, તેઓ ICC પ્રમુખ પદ માટે ચૂંટણી લડશે. આથી તેઓ ACCનું પદ છોડી શકે છે.
ACCની વાર્ષિક સામાન્ય સભા આજે એટલે કે મંગળવારથી ઈન્ડોનેશિયાના બાલીમાં શરૂ થઈ રહી છે. આ બેઠક 2 દિવસની છે અને 31 જાન્યુઆરી સુધી ચાલશે. બેઠકમાં ACCના બ્રોડકાસ્ટિંગ રાઇટ્સ અંગે પણ નિર્ણય લેવામાં આવનાર છે.
ICC અધ્યક્ષ પદ માટે નવેમ્બરમાં ચૂંટણી યોજાશે
ACC પ્રમુખ પદ માટેની ચૂંટણી દર 2 વર્ષે એકવાર યોજાય છે, જય શાહે હાલમાં તેમના પદનું એક વર્ષ પૂર્ણ કર્યું છે. એવું માનવામાં આવે છે કે તેઓ આગામી ચૂંટણી પહેલા પોતાનું પદ છોડી દેશે, કારણ કે તેમને ICC અધ્યક્ષ પદ માટે ચૂંટણી લડવાની છે. આ વર્ષે નવેમ્બરમાં ઈન્ટરનેશનલ ક્રિકેટ કાઉન્સિલ (ICC)ની ચૂંટણી યોજાવાની છે, તે પહેલા ACCની બેઠકમાં નિર્ણય લેવામાં આવી શકે છે કે શાહ આઈસીસી અધ્યક્ષ પદની ચૂંટણી લડશે કે નહીં.
ACC મીડિયા અધિકારો હાલમાં સ્ટાર પાસે છે
વાર્ષિક બેઠકમાં એશિયાના તમામ ક્રિકેટ બોર્ડના સભ્યો ભાગ લેશે. જેમાં ACC મીડિયા રાઇટ્સ પર પણ નિર્ણય લેવામાં આવશે. જે અંતર્ગત એશિયા કપ જેવી મોટી ટુર્નામેન્ટનું પ્રસારણ થાય છે. જેમાં અંડર-23, અંડર-19 અને વુમન્સ એશિયા કપની મેચ પણ બતાવવામાં આવી છે.
હાલમાં, ડિઝની પ્લસ હોટસ્ટાર પાસે ડિજિટલ રાઇટ્સ છે અને સ્ટાર પાસે ટીવી રાઇટ્સ છે. સ્ટારે 8 વર્ષ પહેલા આના રાઇટ્સ ખરીદ્યા હતા. ACC એ મીડિયા રાઇટ્સના ઓક્શન માટે તમામ ટોચના બ્રોડકાસ્ટર્સને ડિનર માટે પણ આમંત્રણ આપ્યું છે.
એશિયા કપનું સ્થળ પણ નક્કી કરવામાં આવશે
આ બેઠકમાં એશિયા કપના આગામી સ્થળ અંગે પણ નિર્ણય લેવામાં આવશે. હવે એશિયા કપ 2025માં યોજાશે જે T20 ફોર્મેટમાં યોજાનાર છે. યુએઈ અને ઓમાન ટુર્નામેન્ટની યજમાનીની રેસમાં છે. 2023 એશિયા કપનું આયોજન પાકિસ્તાન દ્વારા શ્રીલંકા અને પાકિસ્તાનમાં કરવામાં આવ્યું હતું, જે ભારતે જીત્યું હતું.
UAE અને ઓમાનને એશિયા કપની યજમાની મેળવવામાં બીજી સમસ્યા છે. માત્ર સંપૂર્ણ સભ્ય એશિયન બોર્ડને જ ટુર્નામેન્ટના હોસ્ટિંગ રાઇટ્સ મળે છે અને બંને દેશો સહયોગી રાષ્ટ્રો છે. જોકે ટુર્નામેન્ટ 2018 અને 2022 દરમિયાન UAEમાં રમાઈ હતી, ત્યારે ભારત અને શ્રીલંકાને હોસ્ટિંગનો અધિકાર હતો. આવી સ્થિતિમાં, હોસ્ટિંગ રાઇટ્સ ફક્ત સંપૂર્ણ સભ્ય બોર્ડ પાસે જ રહેશે.