ફિક્સિંગના કારણે ICCએ સજા ફટકારી; વેસ્ટ ઈન્ડિઝ માટે ત્રણેય ફોર્મેટ રમ્યો છે

ટ્રિનિદાદ: ઈન્ટરનેશનલ ક્રિકેટ કાઉન્સિલ (ICC)એ વેસ્ટ ઈન્ડિઝના ડેવોન થોમસ પર 5 વર્ષનો ક્રિકેટ પ્રતિબંધ લગાવ્યો છે. તેના પર શ્રીલંકા, UAE અને વેસ્ટ ઈન્ડિઝની ક્રિકેટ લીગમાં ફિક્સિંગનો આરોપ હતો. જેની તેણે કબૂલાત કરી, જેના કારણે ICCએ તેને સજા કરી છે.

ગુનાની કબૂલાતને કારણે સજામાં 18 મહિનાનો ઘટાડો
ICCએ કહ્યું કે 34 વર્ષીય થોમસ પર શ્રીલંકા ક્રિકેટ (SLC), અમીરાત ક્રિકેટ બોર્ડ (ECB) અને કેરેબિયન પ્રીમિયર લીગ (CPL)એ ભ્રષ્ટાચારના 7 આરોપો લગાવ્યા હતા. થોમસે આરોપોને કબૂલ્યા. જેના પરિણામે તેની સજા 18 મહિના ઓછી થઈ. તેની સજા 23 મે 2023થી શરૂ થઈ હતી, અહીંથી 22 મે 2028 સુધી તે આંતરરાષ્ટ્રીય અને ડોમેસ્ટિક ક્રિકેટ રમી શકશે નહીં.

થોમસ પર આ આરોપો લગાવવામાં આવ્યા હતા

·         SLC કોડ, કલમ 2.1.1: લંકા પ્રીમિયર લીગ 2021ના ​​ફિક્સિંગનો પ્રયાસ.

·         SLC કોડ, કલમ 2.4.4: લંકા પ્રીમિયર લીગ 2021માં ભ્રષ્ટાચારમાં સામેલ લોકો વિશેની માહિતી ભ્રષ્ટાચાર વિરોધી એકમને આપવામાં આવી ન હતી.

·         SLC કોડ, કલમ 2.4.6: ફિક્સિંગમાં સામેલ હોવા છતાં ભ્રષ્ટાચાર વિરોધી અધિકારીને ખોટી માહિતી આપી.

·         SLC કોડ, કલમ 2.4.7: ભ્રષ્ટાચાર વિરોધી અધિકારીની તપાસમાં અવરોધ. દસ્તાવેજો અને માહિતી સાથે છેડછાડ કરવામાં આવી હતી.

·         ECB કોડ, કલમ 2.4.4: અબુ ધાબી T10 લીગમાં ભ્રષ્ટાચાર અંગેની માહિતી ભ્રષ્ટાચાર વિરોધી અધિકારીઓને આપવામાં આવી ન હતી.

·         CPL કોડ, કલમ 2.4.4: કેરેબિયન પ્રીમિયર લીગ 2021માં ભ્રષ્ટાચાર અંગેની માહિતી ભ્રષ્ટાચાર વિરોધી અધિકારીઓને આપવામાં આવી ન હતી.

·         CPL કોડ, કલમ 2.4.2: ભ્રષ્ટાચારના સંબંધમાં મળેલી ભેટ, ચૂકવણી, લાભો વિશે CPL એન્ટી કરપ્શન યુનિટને જાણ ન કરવી.

ICC મેનેજરે કહ્યું- થોમસની સજા અન્ય લોકો માટે એક ઉદાહરણ
ICCના જનરલ મેનેજર એલેક્સ માર્શલે કહ્યું, 'આંતરરાષ્ટ્રીય અને સ્થાનિક એમ બંને પ્રકારના વ્યાવસાયિક ક્રિકેટ રમી ચૂકેલા થોમસે ઘણી વખત ભ્રષ્ટાચાર વિરોધી તાલીમ લીધી છે. આમ છતાં તેણે ત્રણ દેશોની ફ્રેન્ચાઈઝી લીગમાં ભ્રષ્ટાચારને પ્રોત્સાહન આપ્યું. તેને મળેલી સજા અન્ય ખેલાડીઓ માટે ઉદાહરણરૂપ સાબિત થશે.

થોમસે ત્રણેય ફોર્મેટમાં વેસ્ટ ઈન્ડિઝ માટે ડેબ્યૂ કર્યું
વિકેટકીપર ડેવોન થોમસે વેસ્ટ ઈન્ડિઝ માટે ત્રણેય ફોર્મેટમાં ડેબ્યૂ કર્યું છે. તેણે એક ટેસ્ટ, 21 વન-ડે અને 12 T20 રમી છે. તેના નામે 300થી વધુ રન છે. તે પાર્ટ ટાઈમ બોલિંગ પણ કરે છે, તેના નામે 4 વિકેટ છે. તે 2011નો ODI વર્લ્ડ કપ પણ રમી ચૂક્યો છે.