બર્મિંગહામ કોમનવેલ્થ ગેમ્સમાં ગોલ્ડ મેડલ અને વર્લ્ડ ચેમ્પિયનશિપમાં પ્રથમ વખત બ્રોન્ઝ મેડલ જીત્યો હતો

નવી દિલ્હી: કોમનવેલ્થ ગેમ્સ ચેમ્પિયન લક્ષ્ય સેન મંગળવારે બે સ્થાન આગળ વધીને તાજેતરની BWF વર્લ્ડ રેન્કિંગમાં કારકિર્દીના સર્વશ્રેષ્ઠ છઠ્ઠા સ્થાને પહોંચી ગયો છે. અલ્મોડાના આ ખેલાડીએ આ સિઝનમાં શાનદાર પફોર્મ બતાવ્યું છે. 25 ટૂર્નામેન્ટમાં તેના 76,424 પોઈન્ટ છે. ફ્રેન્ચ ઓપન ચેમ્પિયન સાત્વિક સાઈરાજ રેન્કી રેડ્ડી અને ચિરાગ શેટ્ટી પણ મેન્સ ડબલ્સમાં સાતમા સ્થાને તેમની કારકિર્દીની સર્વશ્રેષ્ઠ રેન્કિંગ પર પાછા ફરવા માટે એક સ્થાન ચઢી ગયા છે.

ભારતીય જોડીએ બે BWF વર્લ્ડ ટાઇટલ જીત્યા - ઇન્ડિયા ઓપન સુપર 500 અને ફ્રેન્ચ ઓપન સુપર 750. તેણે બર્મિંગહામ કોમનવેલ્થ ગેમ્સમાં ગોલ્ડ મેડલ અને વર્લ્ડ ચેમ્પિયનશિપમાં પ્રથમ વખત બ્રોન્ઝ મેડલ જીત્યો હતો. તેણે ભારતની થોમસ કપ જીતમાં પણ મહત્વની ભૂમિકા ભજવી હતી.

પીવી સિંધુ પણ એક સ્થાન ઉપર આગળ

ત્રિસા જોલી અને ગાયત્રી ગોપીચંદની મહિલા ડબલ્સ જોડી અને ઈશાન ભટનાગર અને તનિષા ક્રિસ્ટોની મિશ્ર ડબલ્સ જોડી પણ અનુક્રમે 23મા અને 28મા સ્થાને પહોંચી ગઈ છે, જે તેમની કારકિર્દી-શ્રેષ્ઠ રેન્કિંગ છે. ત્રિસા અને ગાયત્રીએ પાંચ સ્થાન જ્યારે તનિષા અને ઈશાને બે સ્થાનની છલાંગ લગાવી હતી.

ઓલિમ્પિકમાં બે મેડલ જીતનારી પીવી સિંધુ પણ એક સ્થાન આગળ વધીને પાંચમા સ્થાને પહોંચી ગઈ છે. પગની ઘૂંટીની ઈજાને કારણે તેણે બર્મિંગહામ ગેમ્સ બાદથી કોઈ ટુર્નામેન્ટમાં ભાગ લીધો નથી. કિદામ્બી શ્રીકાંત અને એચએસ પ્રણોય પુરૂષ સિંગલ્સ રેન્કિંગમાં અનુક્રમે 11મા અને 12મા સ્થાને યથાવત છે.