એનસીબી અને પાદરા પોલીસના સંયુક્ત ઓપરેશનમાં અંદાજે 1 કિલોનું એમડી ડ્રગ્સ પકડાયું
Written By newsonline | Ahmedabad | Published: 2021-06-17 11:39:06
વડોદરા :વડોદરાના પાદરા ગામમાંથી
કરોડોના ડ્રગ્સનો જથ્થો પકડાયો છે. એનસીબી અને પાદરા પોલીસે સાથે ઓપરેશન પાર પાડીન
એમડી ડ્રગ્સનો જથ્થો પકડી પાડ્યો છે. આ એમડી ડ્રગ્સ (MD drugs) ની કિંમત કરોડો રૂપિયાની
છે. હાલ પાદરા પોલીસ સ્ટેશનમાં મુદ્દામાલ લવાયો છે. એનસીબી અને પાદરા પોલીસ આ
મામલે તપાસ કરી રહી છે કે આખરે આટલા મોટા પ્રમાણમાં ડ્રગ્સનો જથ્થો આવ્યો કેવી
રીતે.
ગાડીમાં ડ્રગ્સ લઈ જતા 5 આરોપી પકડાયા
એનસીબી
અને પાદરા પોલીસના સંયુક્ત ઓપરેશનમાં અંદાજે 1 કિલોનું એમડી ડ્રગ્સ પકડાયું છે. પાદરાના સમિયાલા ગામ
પાસેના રોડ પરથી એક ગાડી પકડાઈ હતી, જેમાં આ ડ્રગ્સનો જથ્થો લઈ જવાતો હતો. આ સાથે જ 5 આરોપીઓ પકડાયા છે.
પોલીસે બે ગાડીઓ અને મોટી રકમ પણ આરોપીઓ પાસેથી જપ્ત કરી છે.
હેરાફેરીમાં અન્ય લોકોની
સંડોવણીની શક્યતા
આ
ડ્રગ્સની હેરાફેરીમાં અન્ય લોકોની સંડોવણી પણ બહાર આવી શકે છે. હાલ વડોદરા પોલીસ આ
મામલે તપાસ કરી રહી છે. ઉલ્લેખનીય છે કે, ગુજરાતમાં છેલ્લા કેટલાક મહિનાઓથી મોટી સંખ્યામાં
ડ્રગ્સ વેચાઈ રહ્યું છે. ગુજરાતના યુવાધનને નશાના રવાડે ચઢાવવામાં આવી રહ્યા છે. આ
આરોપીઓને પકડી પાડવા ગુજરાત પોલીસ સજ્જ બની છે.
Related News
