હવે કંપની આવનારા દિવસોમાં વેક્સિનનું વધુ એક વખત પરીક્ષણ કરી શકે છે
Written By newsonline | Ahmedabad | Published: 2020-11-27 09:37:01
કોરોનાની વેક્સિન આવવાની આશા વચ્ચે એક ખરાબ સમાચાર આવ્યા
છે. એસ્ટ્રાજેનેકા અને ઓક્સફોર્ડે વેક્સિનના મેન્યુફેક્ચરિંગમાં ખામી સ્વીકારતાં
વેક્સિના સ્ટડી રિઝલ્ટ પર સંકટના વાદળો ઘેરાવા લાગ્યા છે. તાજેતરમાં જ વેક્સિનની
ત્રીજા તબક્કાની ટ્રાયલનાં પરિણામ જારી કરાયાં હતાં, જેમાં જુદા-જુદા પરિણામ સામે આવ્યા
હતા ત્યારથી જ નિષ્ણાતો આ પ્રક્રિયા સામે સવાલ ઉઠાવી રહ્યા હતા. તેથી હવે કંપની
આવનારા દિવસોમાં વેક્સિનનું વધુ એક વખત પરીક્ષણ કરી શકે છે.
સીરમ ઇન્સ્ટિટ્યૂટ આ વેક્સિન બનાવે
છે
ઓક્સફોર્ડ/એસ્ટ્રાજેનેકાએ
23 નવેમ્બરે
નિવેદન જારી કરીને જણાવ્યું હતું કે બ્રિટન અને બ્રાઝીલમાં કરાયેલા પરીક્ષણોમાં
વેક્સિન ઘણી અસરકારક જણાઇ. અડધો ડોઝ અપાતાં વેક્સિન 90% સુધી અસરકારક જણાઇ. બીજા મહિને ફુલ
ડોઝ અપાતાં 62% અસરકારક
જણાઇ હતી. તેના એક મહિના બાદ બે ફુલ ડોઝ અપાતાં 70% અસરકારક જણાઇ. ભારતમાં આ વેક્સિન
પૂણે સ્થિત સીરમ ઇન્સ્ટિટ્યૂટ ઓફ ઇન્ડિયા બનાવી રહી છે.
Related News
