આવનારા સમયમાં યશસ્વી જયસ્વાલ ટીમ ઈન્ડિયા તરફથી શુભમન ગિલ સાથે ઓપનિંગ કરતો જોવા મળી શકે છે

ઈન્ડિયન પ્રીમિયર લીગ (IPL)માં આ સિઝનની ટોપ-4 ટીમો મળી છે. ચેન્નઈ સુપર કિંગ્સ, મુંબઈ ઈન્ડિયન્સ, ગુજરાત ટાઇટન્સ અને લખનઉ સુપર જાયન્ટ્સે શાનદાર પ્રદર્શન કરીને પોઈન્ટ ટેબલના ટોપ-4માં સિઝન પૂરી કરી.

6 ટીમ લીગ સ્ટેજથી આગળ વધી શકી નથી. જોકે આ 6 ટીમમાંથી 7 આવા ભાવિ સ્ટાર્સ સામે આવ્યા છે, જેમણે પોતાના પ્રદર્શનથી બધાને પ્રભાવિત કર્યા છે. આ ખેલાડીઓમાં 4 બેટર્સ અને 3 બોલર છે, આ ખેલાડીઓને ટીમ ઈન્ડિયામાં પણ જલદી એન્ટ્રી મળી શકે છે.

1. રિંકુ સિંહ, મિડલ ઓર્ડર બેટર

સ્ટ્રેન્થ્સ- સારો ફિનિશર, મિડલ અને ડેથ ઓવરમાં ટીમને સંભાળે છે

કોલકાતા નાઈટ રાઈડર્સના બેટ્સમેન રિંકુ સિંહે ગુજરાત સામે 5 બોલમાં 5 સિક્સર ફટકારીને પોતાનું નામ રોશન કર્યું હતું. આ સિઝનમાં આન્દ્રે રસેલના ખરાબ ફોર્મ બાદ 25 વર્ષીય રિંકુ સિંહે કોલકાતા માટે ફિનિશરની જવાબદારી સંભાળી હતી. 2018માં IPLમાં ડેબ્યુ કરનાર રિંકુએ આ સિઝનમાં KKR માટે સૌથી વધુ 474 રન બનાવ્યા છે.

ભારતીય ટીમના દૃષ્ટિકોણથી રિંકુ સિંહ ટીમમાં ફિટ છે, કારણ કે ભારતીય T20 ટીમ હાલમાં એવા બેટ્સમેનની શોધમાં છે, જે હાર્દિક પંડ્યાની સાથે ઇનિંગ્સ અને મેચ સારી રીતે પૂરી કરી શકે.

2. યશસ્વી જયસ્વાલ, ઓપનર
સ્ટ્રેન્થ્સ- તોફાની બેટ્સમેન, પાવરપ્લેમાં ફટકારવાની ક્ષમતા

21 વર્ષના યશસ્વી જયસ્વાલની રમત જોયા બાદ ઘણા ક્રિકેટ પંડિતો અને દિગ્ગજોએ આ યુવકને ભારતીય ટીમનો ભાવિ સ્ટાર હોવાનું જણાવ્યું છે. યશસ્વીએ આ સિઝનમાં રાજસ્થાન રોયલ્સ માટે સૌથી વધુ રન બનાવ્યા હતા. તેણે સદી પણ ફટકારી હતી. યશસ્વી પણ રિંકુ સિંહ સાથે ઇમર્જિંગ પ્લેયર ઓફ ધ સિઝન માટે પ્રબળ દાવેદાર છે.

આવનારા સમયમાં યશસ્વી જયસ્વાલ ટીમ ઈન્ડિયા તરફથી શુભમન ગિલ સાથે ઓપનિંગ કરતો જોવા મળી શકે છે, કારણ કે યશસ્વીએ આઈપીએલ પહેલાં સ્થાનિક ક્રિકેટમાં પણ મુંબઈ માટે શાનદાર ઈનિંગ્સ રમી હતી.

3. પ્રભસિમરન સિંહ, ઓપનર
સ્ટ્રેન્થ્સ- વિસ્ફોટક ઓપનિંગ બેટ્સમેન, મિડ ઓવરોમાં પણ ઝડપી રન બનાવી શકે છે

IPLમાં લાંબા સમય બાદ 22 વર્ષના પ્રભસિમરન સિંહને સિઝનમાં 2થી વધુ મેચ રમવાની તક મળી. 2019થી 2022 સુધી પ્રભસિમરન માત્ર 6 મેચ રમી શક્યો હતો, પરંતુ આ સિઝનમાં તેણે સંપૂર્ણ 14 મેચ રમી હતી. તેણે એક સદી સાથે 358 રન કર્યા હતા.

પ્રભસિમરન કમ્પ્લીટ બેટ્સમેન છે. ફાસ્ટ બોલર એ પણ જાણે છે કે સ્વિપ કેવી રીતે મારવી અને સ્પિનરો સામે સ્વિચ હિટ કેવી રીતે મારવી, એની સાથે ઓલ ઓવર શોટ પણ. આવી સ્થિતિમાં તેનો ટૂંક સમયમાં ઈન્ડિયા-એમાં સમાવેશ થઈ શકે છે.

4. જિતેશ શર્મા, વિકેટકીપર-બેટ્સમેન

સ્ટ્રેન્થ- ઉત્તમ વિકેટકીપર, મોટા શોટ મારવા જાણે છે

પંજાબ કિંગ્સના ખેલાડી જિતેશ શર્મા વિદર્ભ તરફથી ડોમેસ્ટિક ક્રિકેટ રમે છે. જિતેશ 2017માં મુંબઈ ઈન્ડિયન્સનો ભાગ હતો. જોકે તેણે પંજાબ કિંગ્સ માટે 2022માં તેની પ્રથમ IPL મેચ રમી હતી. 29 વર્ષીય જિતેશે આ સિઝનમાં 12 મેચમાં 156થી વધુના સ્ટ્રાઈક રેટથી 234 રન બનાવ્યા છે. તેણે વિકેટકીપિંગની સાથે ફિનિશરની ભૂમિકા પણ ભજવી હતી.

જાન્યુઆરી 2023માં શ્રીલંકા સામેની શ્રેણી પહેલાં ઘૂંટણની ઈજાને કારણે સંજુ સેમસન બહાર થઈ ગયો હતો. આ દરમિયાન જિતેશ શર્માને ભારતની T20I ટીમમાં સામેલ કરવામાં આવ્યો હતો. જોકે તેને ડેબ્યુ કરવાની તક મળી ન હતી. આઈપીએલની આ સિઝનમાં શાનદાર પ્રદર્શન બાદ તેને ડેબ્યુ કરવાની તક મળી શકે છે.

5. મયંક માર્કંડેય, લેગ-સ્પિનર
સ્ટ્રેન્થ્સ- કાંડા સ્પિનર, મધ્ય ઓવરોમાં વિકેટ લે છે

SRH લેગ-સ્પિનર ​​મયંક માર્કંડેયે આ સિઝનમાં અસાધારણ રીતે સારું પ્રદર્શન કર્યું છે. ટીમ તરફથી ભુવનેશ્વર કુમાર બાદ માર્કંડેયે સૌથી વધુ વિકેટ લીધી હતી. 25 વર્ષીય સ્પિનરે 2018માં IPLમાં ડેબ્યૂ કર્યું હતું. ડેબ્યુ સિઝન પછી, 2023 માર્કંડેય માટે કમબેક સિઝન હતી. 2018માં તેણે 14 મેચમાં 21 વિકેટ લીધી હતી. એ જ સમયે આ સિઝનમાં તેની 10 મેચમાં 12 વિકેટ છે.

તેણે ભારતીય ટીમ તરફથી 2019માં ઓસ્ટ્રેલિયા સામે ટી20 મેચ રમી છે. જોકે આ પછી તેને તક મળી ન હતી. તે 2019થી 2022 સુધી IPLમાં કંઈ ખાસ કરી શક્યો નથી, પરંતુ આ વખતે તેને તેના સારા પરફોર્મન્સનું ફળ મળી શકે છે.

6. વિજયકુમાર વૈશાખ, ફાસ્ટ બોલર
સ્ટ્રેન્થ - બોલિંગ, મિડલ અને ડેથ ઓવરમાં 140+ની સતત ઝડપે વિકેટ લીધી

આરસીબીના ઝડપી બોલર વિજય કુમાર વૈશાખે પોતાની ડેબ્યુ સિઝનમાં જ બધાને પ્રભાવિત કર્યા છે. 26 વર્ષીય વૈશાખે શાનદાર બોલિંગ કરીને 7 મેચમાં 9 વિકેટ ઝડપી હતી. વૈશાખ કર્ણાટક માટે ડોમેસ્ટિક ક્રિકેટ પણ રમે છે. ઝડપી બોલિંગ સિવાય વૈશાખ બાઉન્સર અને યોર્કર પર સારી પકડ ધરાવે છે. તેણે નવા બોલનો ફાયદો ઉઠાવતા શીખવું પડશે. આ તેમનો વીક પોઈન્ટ છે. ક્યારેક તે નવા બોલથી ઘણા રન આપે છે, પરંતુ તે મોહમ્મદ સિરાજની જેમ ટીમ ઈન્ડિયામાં સામેલ થવાની ક્ષમતા ધરાવે છે.

7. સુયશ શર્મા, લેગ-સ્પિનર
સ્ટ્રેન્થ્સ - ઝડપી લેગ સ્પિન અને સિન્ટિલેટિંગ ગૂગલી

20 વર્ષીય યુવા બોલરે આ સિઝનમાં કોચ અને ફેન્સને ચોંકાવી દીધા હતા. જમણા હાથના લેગ-સ્પિનરે 11 મેચમાં 10 વિકેટ લીધી હતી. સુયશ શાનદાર ગૂગલી બોલ કરે છે. દિલ્હી ક્લબ ક્રિકેટથી શરૂઆત કરીને સુયશ ટીમ ઈન્ડિયાનો ભાગ બનવાની ક્ષમતા ધરાવે છે.

ટીમ ઈન્ડિયાને હંમેશાં રિસ્ટ સ્પિનરની જરૂર હોય છે, તેથી જો સુયશ ડોમેસ્ટિક ક્રિકેટમાં સારો દેખાવ કરે તો તે જલદી જ ઈન્ડિયા-A ટીમનો ભાગ બની શકે છે.