રાષ્ટ્રપતિ ટ્રમ્પ તરફથી મેડલ અમેરિકાના રાષ્ટ્રીય સુરક્ષા સલાહકાર રોબર્ટ ઓ'બ્રાયને આપ્યું હતું, અમેરિકામાં ભારતના એમ્બેસેડર તરણજિત સિંહ સિંધુએ વડાપ્રધાન તરફથી મેડલનો સ્વીકાર કર્યો હતો
Written By newsonline | Ahmedabad | Published: 2020-12-22 09:57:29
અમેરિકન રાષ્ટ્રપતિ ડોનાલ્ડ ટ્રમ્પે ભારતના વડાપ્રધાન
નરેન્દ્ર મોદીને દેશનું સર્વોચ્ચ સન્માન લીજન ઓફ મેરિટ (Legion of
Merit)થી
સન્માનિત કર્યા હતા. મોદીને આ સન્માન ભારત-અમેરિકાના રાજકીય સંબંધો વધારવા માટે
આપવામાં આવ્યું છે. વડાપ્રધાન તરફથી આ સન્માન અમેરિકામાં ભારતના એમ્બેસેડર તરણજિત
સિંહ સિંધુએ સ્વીકાર્યું છે.
ટ્રમ્પ તરફથી આ મેડલ અમેરિકાના રાષ્ટ્રીય સુરક્ષા સલાહકાર
રોબર્ટ ઓ'બ્રાયને
આપ્યો છે. અમેરિકાના મોટા ભાગના અવોર્ડ કોઈ દેશ અથવા સરકારના પ્રમુખને જ આપવામાં
આવે છે. મોદી સાથે આ અવોર્ડ જાપાનના પૂર્વ વડાપ્રધાન શિંજો આબે અને ઓસ્ટ્રેલિયાના
વડાપ્રધાન સ્કોટ મોરિસને પણ આપવામાં આવ્યો છે.
અવોર્ડ આપવાનું આ કારણ
ભારત માટે અમેરિકા તરફથી કહેવામાં આવ્યું છે કે મોદીની
આગેવાનીમાં તેમનો દેશ ગ્લોબલ પાવર બની રહ્યો છે. એ સાથે જ ભારતના વડાપ્રધાને
અમેરિકા સાથે સ્ટ્રેટેજિક પાર્ટનરશિપ વધારવા અને વૈશ્વિક પડકારોનો સામનો કરવામાં
મહત્ત્વની ભૂમિકા નિભાવી છે. શિંજો આબેને આ સન્માન તેમના વિસ્તારમાં સુરક્ષા જાળવી
રાખવા અને મોરિસનને ગ્લોબલ ચેલેન્જીસ સામે સફળતાથી ઉકેલ લાવવા માટે આપવામાં આવ્યું
છે.
Related News
