તોડકેસમાં 34 લાખ લીધા હોવાના પુરાવા મળ્યા
Written By newsonline | Ahmedabad | Published: 2020-07-23 10:15:46
અમદાવાદ: તોડ કેસના આરોપી
પીએસઆઈ શ્વેતા જાડેજાએ કેનલ શાહ પાસેથી ફેબ્રુઆરી મહિનાના 6 જ દિવસમાં રૂ.34 લાખ લીધા હોવાના પુરાવા
પોલીસે એકત્રિત કર્યા છે. આ ઉપરાંત રૂ.1.20 લાખનો મોબાઈલ ફોન પણ લીધો
હોવાનું પુરવાર થયું છે. જ્યારે આ જ 6 દિવસના ગાળામાં શ્વેતાએ તેના બનેવી દેવેન્દ્ર
ઓડેદરાને આંગડિયા મારફતે કેનલના રૂ.34 લાખ તેમ જ બીજા રૂ.10 લાખ મળીને કુલ રૂ.45.12 લાખ મોકલ્યા હોવાનો
ઘટસ્ફોટ પોલીસ તપાસમાં થયો છે.
કેનલ
શાહ વિરુદ્ધ મહિલા પોલીસ સ્ટેશનમાં દુષ્કર્મની 2 ફરિયાદ થઇ હતી. જેમાં
તેની પાસા હેઠળ ધરપકડ નહીં કરવા માટે મહિલા પોલીસ સ્ટેશનના ઈન્ચાર્જ પીઆઈ તેવા
પીએસઆઈ શ્વેતા જાડેજા એ રૂ.35 લાખ લીધા હોવાની ફરિયાદ કેનલે ક્રાઈમ બ્રાંચમાં કરી
હતી. જેના આધારે આ કેસની તપાસ એસઓજીના
એસીપી બી.સી.સોલંકીને સોંપવામાં આવી હતી.