સમાચાર એજન્સી PTIના એક સૂત્રના જણાવ્યા અનુસાર, PCB અધ્યક્ષ નજમ સેઠી BCCI સચિવ જય શાહ પાસેથી લેખિત ગેરંટી લેશે.
પાકિસ્તાન ક્રિકેટ બોર્ડે આ વર્ષે ભારતમાં યોજાનારા વર્લ્ડ કપને લઈને એક નવી શરત મૂકી છે. એવું જણાવ્યું છે કે પાકિસ્તાન ક્રિકેટ ટીમ ત્યારે જ વર્લ્ડ કપ રમવા ભારત આવશે જ્યારે BCCI 2025માં પાકિસ્તાનમાં યોજાનારી ચેમ્પિયન્સ ટ્રોફીમાં ટીમ ઈન્ડિયાને મોકલવાની લેખિત બાંયધરી આપે. સમાચાર એજન્સી PTIના એક સૂત્રના જણાવ્યા અનુસાર, PCB અધ્યક્ષ નજમ સેઠી BCCI સચિવ જય શાહ પાસેથી લેખિત ગેરંટી લેશે.
સેઠી પાકિસ્તાન સરકારને
મળ્યા હતા
PCBના એક સૂત્રના જણાવ્યા અનુસાર, થોડા દિવસો પહેલા નજમ
સેઠી એશિયા કપમાં ભાગ લેવા માટે પાકિસ્તાન સરકારના અધિકારીઓને મળ્યા હતા. સેઠીએ
અધિકારીઓ સાથે એશિયા કપમાં પાકિસ્તાનની ભાગીદારી અંગે ચર્ચા કરી હતી. સેઠીના મતે
જો એશિયા કપની મેચ દુબઈ અને લાહોરમાં નહીં રમાય તો પાકિસ્તાન એશિયા કપમાંથી
પોતાનું નામ પાછું ખેંચી શકે છે.
સરકાર સાથે ચર્ચા કર્યા
બાદ જ સેઠી પોતાનો અંતિમ નિર્ણય એશિયા ક્રિકેટ કાઉન્સિલને જણાવશે. એવી અપેક્ષા
રાખવામાં આવે છે કે જો એશિયા કપ હાઇબ્રિડ મોડલમાં ન યોજાય તો તે કોઈપણ ઈવેન્ટમાં
ભાગ નહીં લે. હાઈબ્રિડ મોડલમાં એશિયા કપ પાકિસ્તાનમાં યોજાશે, પરંતુ ભારતની મેચ
યુએઈમાં રમાશે.
વર્લ્ડ કપ 5 ઓક્ટોબરથી શરૂ થઈ શકે
છે
વર્લ્ડ કપ 5 ઓક્ટોબરથી શરૂ થઈ શકે છે અને તેના માટે 12 સ્થળોને શોર્ટલિસ્ટ
કરવામાં આવ્યા છે. જેમાં ચેન્નાઈ અને કોલકાતાનો પણ સમાવેશ થાય છે.
સેઠી ટૂંક સમયમાં અંતિમ
નિર્ણય લેશે
સૂત્રના જણાવ્યા અનુસાર, સેઠી હવે ACC સમક્ષ એશિયા કપ પર અંતિમ નિર્ણય લેશે. સેઠી હવે વિલંબ કરવા
માગતા નથી. સેઠી હવે ઇચ્છે છે કે મેચ પાકિસ્તાનમાં જ યોજાય અથવા પાકિસ્તાન એશિયા
કપમાં ભાગ ન લે.
આઠમીએ મીટીંગ કરી શકે
છે
BCCIના સચિવ અને એશિયા ક્રિકેટ કાઉન્સિલના પ્રમુખ જય શાહે કહ્યું હતું કે એશિયા
કપમાં ટીમ ઈન્ડિયાની મેચ પાકિસ્તાનને બદલે અન્ય દેશમાં યોજવાના PCBના પ્રસ્તાવ પર કોઈ
નિર્ણય લેવામાં આવ્યો નથી. અન્ય દેશોમાંથી પણ તેમના ફીડબેક લેવામાં આવી રહ્યા છે.
તે ફીડબેકના આધારે જ આગળનો નિર્ણય લેવામાં આવશે. સૂત્રના જણાવ્યા અનુસાર, સેઠી આઠમી મેના રોજ
દુબઈ જવા રવાના થવાના છે, જ્યાં તેઓ ACC અને ICCના અધિકારીઓ સાથે બેઠક કરશે.
પાકિસ્તાન 2016માં T20 વર્લ્ડ કપ રમવા આવ્યું
હતું
ટીમ ઈન્ડિયા રાજકીય કારણોસર પાકિસ્તાન નથી જતી, પરંતુ છેલ્લા 10 વર્ષમાં પાકિસ્તાનની
ટીમ 2016નો T20 વર્લ્ડ કપ રમવા ભારત આવી હતી. દ્વિપક્ષીય શ્રેણીના અભાવને કારણે 2007 પછી બન્ને વચ્ચે કોઈ
ટેસ્ટ મેચ રમાઈ નથી.