ગઈકાલે રાજ્યના 162 તાલુકામાં વરસાદ નોઁધાયો, સૌથી વધુ વરસાદ તાપીના ડોલવણમાં 5 ઈંચ પડ્યો

ગાંધીનગર: રાજ્યમાં મેઘરાજાએ મહેર વરસાવી હતી. શ્રાવણમાં અષાઢી માહોલ સર્જ્યો છે. આજે સવારે 6 વાગ્યાથી 10 વાગ્યાના સમયગાળામાં રાજ્યના 58 તાલુકામાં વરસાદ નોંધાયો છે. જેમાં સૌથી વધુ વરસાદ જૂનાગઢના માણાવદર અને વંથલીમાં 2 ઈંચ નોંધાયો છે. ગઈકાલે રાજ્યમાં સૌથી વધુ વરસાદ તાપીના ડોલવણમાં 5 ઈંચ ખાબક્યો હતો. આજે સુરતના ઉમરપાડા અને જૂનાગઢ-જૂનાગઢ શહેરમાં દોઢ ઈંચ, કેશોદમાં 22 મિમિ, જૂનાગઢના વિસાવદર અને દેવભૂમિ દ્વારકાના ભાણવડમાં 1 ઈંચ વરસાદ નોઁધાયો છે. જ્યારે જૂનાગઢના કેશોદમાં 22 મિમિ, મેંદરડામાં 20 મિમિ, વલસાડમાં 19 મિમિ, તેમજ સુરતના માંગરોળમાં 15 મિમિ, ગીર સોમનાથના ગીર ગઢડામાં 14 મિમિ, નવસારીના ખેરગામમાં 13 મિમિ, જૂનાગઢના માળીયામાં 12 મિમિ, પોરબંદરના રાણાવાવ અને રાજકોટના ધોરાજીમાં 10-10 મિમિ વરસાદ નોંધાયો છે.

આજે નોંધાયેલા વરસાદના આંકડા

ગઈકાલે 162 તાલુકામાં વરસાદ નોઁધાયો
ગઈકાલે રાજ્યના 162 તાલુકામાં વરસાદ નોઁધાયો હતો. જેમાં સૌથી વધુ વરસાદ તાપી જિલ્લાના દોલવણમાં 5 ઈંચ નોંધાયો હતો. ત્યારબાદ સુરતના ઉમરપાડાના 81 મિમિ, દાંતાના 74 મિમિ અને દેડિયાપાડામાં 65 એટલે 3 ઈંચ જેટલો વરસાદ નોંધાયો હતો. બનાસકાંઠાના અમીરગઢમાં 60 મિમિ, દાંતીવાડા અને સુરતના મહુવામાં 59 મિમિ, પાટણના સરસ્વતીમાં 56 મિમિ, નવસારીના વાંસદામાં 54 મિમિ અને પાટણના સિધ્ધપુરમાં 53 મિમિ વરસાદ નોંધાયો હતો.

ગઈકાલે 10 ઓગસ્ટે નોંધાયેલા વરસાદના આંકડા