સુરતના ઓલપાડમાં 9 મિમિ, મહીસાગરના કડાણામાં 7 મિમિ, બારડોલીમાં 6 મિમિ વરસાદ

ગાંધીનગર: વરસાદની આગાહી વચ્ચે આજે દક્ષિણ ગુજરાત, મધ્ય ગુજરાત, ઉત્તર ગુજરાત અને સૌરાષ્ટ્રમાં વરસાદ નોંધાયો છે. સવારના 6 વાગ્યાથી 8 વાગ્યા સુધી રાજ્યના 18 તાલુકામાં વરસાદ પડ્યો છે. જેમાં સૌથી વધુ ભરૂચ જિલ્લાના અંકલેશ્વરમાં 15 મિમિ પડ્યો છે. જ્યારે સુરતના ઓલપાડમાં 9 મિમિ, મહીસાગરના કડાણામાં 7 મિમિ, બારડોલીમાં 6 મિમિ, મહેસાણાના વિસનગર અને વલસાડના પારડીમાં 5-5 મિમિ વરસાદ નોંધાયો છે.

સવારના 6 વાગ્યાથી 8 વાગ્યા દરમિયાનનો 5 મિમિથી વધુ વરસાદ

3  દિવસ ભારેથી મધ્યમ વરસાદની આગાહી
રવિવારે રાત્રિથી લઇને બુધવાર સુધી આગામી 3 દિવસો દરમિયાન અમદાવાદમાં મધ્યમથી ભારે વરસાદી ઝાપટાં પડવાની શક્યતા છે. દક્ષિણ ગુજરાતનાં વલસાડ, નવસારી, દમણની સાથે સૌરાષ્ટ્ર કચ્છનાં ગીર-સોમનાથ, પોરબંદર સહિતનાં વિસ્તારોમાં ભારે વરસાદ પડવાની શક્યતા છે. જ્યારે ઉત્તર ગુજરાત અને મધ્ય ગુજરાતનાં વિવિધ વિસ્તારોમાં વરસાદી ઝાપટાની વકી છે.

ગઈકાલે રાજ્યમાં સૌથી વધુ વરસાદ ઉમરગામમાં પડ્યો
12 જુલાઈએ મેઘરાજાએ મહેર વરસાવી હતી. રાજ્યના 179 તાલુકામાં વરસાદ નોંધાયો હતો. જેમાં સૌથી વધુ 5 ઈંચ વરસાદ વલસાડના ઉમરગામમાં પડ્યો હતો. જ્યારે સુરતના કામરેજ અને ઉમરપાડામાં અઢી ઈંચ વરસાદ પડ્યો છે. ઉપરાંત નવસારી, વલસાડના કપરાડા, વડોદરાના પાદરા, નવસારીના જલાલપોર, મહેસાણા, ભાવનગરના વલ્લભીપુર, વલસાડના વાપી, ખેડાના વસો અને  સુરતના માંગરળોમાં 2-2 ઈંચ વરસાદ પડ્યો છે. સાબરકાંઠાના હિંમતનગર અને પોશીના, તાપીના વાલોડ, સુરતના પાલસણા, ગણદેવી અને સુરત શહેર, ખેડાના માતર અને ખેડા, ભરૂચના હાંસોટ અને ભરૂચ, પંચમહાલના ગોધરા, મહેસાણાના જોટાણા, ભાવનગરના ઉમરાળામાં એક ઈંચથી વધારે વરસાદ પડ્યો છે.

ગઈકાલે 12 જુલાઈએ રાજ્યમાં નોંધાયેલો 1થી વધુ મિમિ વરસાદ