ગઈકાલે ભાણવડમાં 7 ઈંચ, વેરાવળ, ખાંભા, માંગરોળ, બગસરા અને વાપીમાં 5-5 ઈંચ વરસાદ ખાબક્યો

ગાંધીનગ: રાજ્યમાં 8 ઓગસ્ટ સુધી ભારેથી અતિભારે વરસાદની હવામાન વિભાગે આગાહી કરી છે. ત્યારે આજે રાજ્યમાં વરસાદી માહોલ છે અને સવારે 6 વાગ્યાથી સાંજના 6 વાગ્યા સુધીના સમયગાળામાં રાજ્યના 149 તાલુકામાં વરસાદ નોંધાયો છે. જેમાં સૌથી વધુ અમરેલીના જાફરાબાદ અને આણંદ જિલ્લાના તારાપુરમાં 3-3 ઈંચ વરસાદ નોંધાયો છે. ગઈકાલે વલસાડના ઉમરગામમાં રાજ્યનો સૌથી વધુ 14 ઈંચથી વધુ વરસાદ નોંધાયો હતો.

રાજ્યના 29 તાલુકામાં 1થી 2 ઈંચ સુધી વરસાદ
જૂનાગઢના માણાવદર અને માંગરોળ, વલસાડ, ભાવનગર, મહુવા, ગીર સોમનાથના વેરાવળ, વલસાડના પારડી, અમરેલીના સાવરકુંડલા અને અમરેલી તથા નવસારીના વાંસદામાં 2 ઈંચ જેટલો વરસાદ નોંધાયો હતો. અમરેલીના રાજુલા, આણંદના ખંભાત, અરવલ્લીના બાયડ, સાબરકાંઠાના પ્રાંતિજ, મહીસાગરના કડાણા, છોટા ઉદેપુરના જેતપુર પાવી અને તાપીના કુકરમુંડામાં દોઢ-દોઢ ઈંચ વરસાદ નોંધાયો હતો. વલસાડના ઉમરગામ, મહીસાગરના લુણાવાડા, વલસાડના ધરમપુર, ગાંધીનગરના કલોલ, વલસાડના વાપી, દાહોદના લીમખેડા, પોરબંદરના કુતિયાણા, આણંદના સોજીત્રા, જૂનાગઢના ભેંસણ, ખેડાના કપડવંજ, મહીસાગરના બાલાસિનોર અને સાબરકાંઠાના વિજયનગરમાં 1-1 ઈંચ વરસાદ નોંધાયો હતો.

આજે 5 ઓગસ્ટે પડેલા 1 ઈંચથી 3 ઈંચ સુધીના વરસાદના આંકડા

4 ઓગસ્ટે 105 તાલુકામાં સૌથી વધુ ઉમરગામમાં 14 ઈંચ વરસાદ
ગઈકાલે રાજ્યમાં 105 તાલુકામાં વરસાદ નોંધાયો હતો. જેમાં સૌથી વધુ વરસાદ વલસાડના ઉમરગામમાં 14 ઈંચથી વધુ વરસાદ નોંધાયો હતો. જ્યારે ભાણવડમાં 7 ઈંચ વરસાદ ખાબક્યો છે. ઉપરાંત ગીર સોમનાથના વેરાવળ, અમરેલીના ખાંભા, જૂનાગઢના માંગરોળ, અમરેલીના બગસરા અને વલસાડના વાપીમાં 5-5 ઈંચ વરસાદ નોંધાયો હતો

4 ઓગસ્ટે 22 તાલુકામાં દોઢથી લઈને 4 ઈંચ વરસાદ નોંધાયો
ગીર સોમનાથના સુત્રાપાડા, અમરેલીના સાવરકુંડલા, પોરબંદરના કુતિયાણા, અમરેલીના જાફરાબાદ અને મોરબીમાં 4-4 ઈંચ વરસાદ પડ્યો છે. જ્યારે વલસાડના કપરાડા, અમરેલી, અમરેલીના રાજુલા અને ધારીમાં 3-3 ઈંચ નોંધાયો છે. રાજકોટના ઉપલેટા, જૂનાગઢના માણાવદર, માળીયા અને વંથલી તથા અમરેલીના બાબરામાં 2-2 ઈંચ વરસાદ નોધાયો છે, જૂનાગઢ, સાબરકાંઠાના ખેડબ્રહ્મા, જૂનાગઢના વિસાવદર, ભાવનગરના તળાજા, રાજકોટના જામકંડોરણા, મોરબીના માળિયા મિયાણા અને ગીર સોમનાથના કોડીનારમાં દોઢ ઈંચ વરસાદ નોંધાયો છે.

4 ઓગસ્ટે 12 તાલુકામાં 1-1 ઈંચ વરસાદ
ગીર સોમનાથના કોડીનાર અને તાલાલા, અમરેલીના લાઠી, છોટા ઉદેપુરના બોડેલી, છોટા ઉદેપુર, સંખેડા અને જેતપુર પાવી, રાજકોટના ધોરાજી અને જસદણ તથા વડોદરાના ડભોઈમાં 1-1 ઈંચ વરસાદ નોંધોયો છે.

4 ઓગસ્ટે રાજ્યમાં નોધાયેલા વરસાદના 1 ઈંચથી 14 ઈંચ સુધીના આંકડા