વર્ક ફ્રન્ટની વાત કરવામાં આવે તો રશ્મિકા મંદાના આ દિવસોમાં રણબીર કપૂર સાથે તેમની આગામી ફિલ્મ 'એનિમલ'માં વ્યસ્ત છે

સાઉથ એકટ્રેસ રશ્મિકા મંદાના ​​​​​​ટૂંક સમયમાં રણબીર કપૂર સાથે ફિલ્મ 'એનિમલ'માં જોવા મળશે. આ દરમિયાન હાલમાં જ સમાચાર આવ્યા છે કે રશ્મિકા સાથે 80 લાખ રૂપિયાની છેતરપિંડી થઈ છે. તેમની સાથે છેતરપિંડી કરનાર વ્યક્તિ અન્ય કોઈ નહીં પરંતુ તેમનો મેનેજર જ છે. રશ્મિકાને આ છેતરપિંડીની જાણ થતાં જ મેનેજરને નોકરીમાંથી કાઢી મૂક્યો હતો. જો કે આ સમાચાર પર હજુ સુધી રશ્મિકાની તરફથી કોઈ પ્રતિક્રિયા આવી નથી.

મેનેજરે રશ્મિકાને 80 લાખની છેતરપિંડી કરી હતી
'હિન્દુસ્તાન ટાઈમ્સ'ના રિપોર્ટ મુજબ, મેનેજરે કથિત રીતે રશ્મિકા સાથે 80 લાખ રૂપિયાની છેતરપિંડી કરી હતી. આ જાણીને રશ્મિકાને ખૂબ જ ગુસ્સો આવ્યો અને તરત જ મેનેજરને નોકરીમાંથી કાઢી મૂક્યો હતો. મળતી માહિતી મુજબ, મેનેજર લાંબા સમયથી રશ્મિકા મંદાના સાથે સંકળાયેલો હતો અને એક્ટ્રેસની જાણ બહાર ધીમે-ધીમે પૈસાની ચોરી કરતો હતો. મીડિયા સાથે જોડાયેલા એક સૂત્રએ જણાવ્યું હતું કે, રશ્મિકા આ ​​વાતને લંબાવવા માગતી નથી, તેથી તેમણે આ વિશે વાત કરી નહીં.

રશ્મિકા રણબીર સાથે 'એનિમલ'માં જોવા મળશે
વર્ક ફ્રન્ટની વાત કરવામાં આવે તો રશ્મિકા મંદાના આ દિવસોમાં રણબીર કપૂર સાથે તેમની આગામી ફિલ્મ 'એનિમલ'માં વ્યસ્ત છે. હાલમાં નિર્માતાઓએ ફિલ્મનું પ્રી-ટીઝર પણ રિલીઝ કર્યું હતું, આ પ્રી-ટીઝર ​​​​​​ દર્શકોએ ખૂબ પસંદ આવ્યું હતું. આ ફિલ્મ 11 ઓગસ્ટે સિનેમાઘરોમાં આવશે. ઉપરાંત, તે એક જ તારીખે રિલીઝ થનારી બે મોટી ફિલ્મો 'ગદર 2' અને 'OMG 2' ને પણ ટક્કર આપશે.