બંગાળ સરકારે અન્ય રાજ્યોથી વિમાન માર્ગે આવતા મુસાફરો માટે નવી ગાઈડલાઇન બહાર પાડી

મહારાષ્ટ્ર પછી હવે દેશની રાજધાની દિલ્હીમાં પણ કોરોના કેસ વધી રહ્યા છે. છેલ્લા ત્રણ દિવસથી એક્ટિવ દર્દીઓની સંખ્યામાં વધારો થઇ રહ્યો છે. દરરોજ સાજા થનાર કરતાં વધુ નવા કેસ સામે આવી રહ્યા છે.

ગુરુવારે રાજ્યમાં 220 નવા કેસ નોંધાયા હતા અને 188 લોકો સાજા થયા હતા. આ રીતે 32 સક્રિય કેસ વધી ગયા. અહીં અત્યાર સુધીમાં 6 લાખ 38 હજાર 593 લોકોને સંક્રમણ લાગી ચૂક્યું છે. તેમાંથી 6 લાખ26 હજાર 519 લોકો સાજા થયા છે, જ્યારે 10 હજાર 905 દર્દીઓ મૃત્યુ પામ્યા છે. અહીં 1,169 દર્દીઓ સારવાર લઈ રહ્યા છે.

મહારાષ્ટ્રમાં સતત બીજા દિવસે 8 હજારથી વધુ દર્દીઓ નોંધાયા
મહારાષ્ટ્રમાં, 127 દિવસની અંદર સતત બીજી વખત, 8 હજારથી વધુ નવા કેસ નોંધાયા છે. મળતી માહિતી મુજબ બુધવારે 8807 અને ગુરુવારે 8702 લોકો સંક્રમિત મળી આવ્યા હતા. આ પહેલા 21 ઓક્ટોબરે 8,142 લોકો કોરોના પોઝિટિવ હોવાનું જાણવા મળ્યું હતું. છેલ્લા 24 કલાકમાં, 3,744 લોકો પણ સ્વસ્થ થયા અને 56 લોકો મૃત્યુ પામ્યા. રાજ્યમાં અત્યાર સુધીમાં 21 લાખ 29 હજાર 821 લોકોને કોરોનાનું સંક્રમણ લાગ્યું છે. તેમાંથી 20 લાખ 12 હજાર 367 લોકો સાજા થયા છે, જ્યારે 51 હજાર 993 દર્દીઓના મૃત્યુ થઈ ચૂક્યા છે.

24 કલાકમાં 16 હજારથી વધુ નવા દર્દીઓ મળી આવ્યા
ગુરુવારે દેશમાં 16 હજાર 562 લોકોને કોરોના પોઝિટિવ મળી આવ્યા હતા. 12 હજાર 203 લોકો સાજા થયા અને 118 લોકોનાં મોત થયાં. અત્યાર સુધીમાં 10 કરોડ 63 હજારથી વધુ લોકો સંક્રમણ લાગી ચૂક્યું છે. તેમાંથી 1 કરોડ 7 લાખ 48 હજારથી વધુ લોકો સાજા થઇ ચૂક્યા છે. 1 લાખ 56 હજાર 861 દર્દીઓ મૃત્યુ પામ્યા છે. 1 લાખ 52 હજાર 849 દર્દીઓની​​​​​​​ હાલ સારવાર ચાલી રહી છે.

કોરોના અપડેટ્સ

·         રાજસ્થાનમાં, મહારાષ્ટ્ર અને કેરળથી આવતા લોકોએ RT-PCR ટેસ્ટ નેગેટિવ હોવાનો રિપોર્ટ બતાવવો જરૂરી રહેશે. આ બંને રાજ્યોમાં કોરોનાના નવા સ્ટ્રેનના દર્દી મળ્યા પછી રાજસ્થાન સરકારે આ નિર્ણય લીધો છે. જ્યારે, શાળાના વિદ્યાર્થીઓમાં સંક્રમણ ફેલાવાના કારણે સરકારની ચિંતા પણ વધી છે.

·         મહારાષ્ટ્રના વાશિમ જિલ્લામાં બોયઝ હોસ્ટેલમાં 229 વિદ્યાર્થીઓ અને 3 સ્ટાફ કોરોનાનું સંક્રમણ લાગ્યું છે. આ હોસ્ટેલમાં અમરાવતી, નાંદેડ, વાશિમ, બુલ્ઢાન અને અકોલાના 327 વિદ્યાર્થીઓ રહે છે. હવે સમગ્ર હોસ્ટેલને ક્વોરેન્ટાઇન સેન્ટરમાં પરિવર્તિત કરવામાં આવી છે. વાશિમ તે જિલ્લો છે જ્યાં, બે દિવસ પહેલા રાજ્યના પ્રધાન સંજય રાઠોડે હજારોની ભીડ સાથે મંદિર પહોંચ્યાં હતો

·         દરરોજ મળી આવતા દર્દીઓની દ્રષ્ટિએ ભારત ફરી એકવાર વિશ્વનો ચોથો સૌથી સંક્રમિત દેશ બન્યો છે. એક અઠવાડિયા પહેલા સુધી આ મામલે ભારત ટોપ-10 દેશોની યાદીમાંથી બહાર હતું, પરંતુ દર્દીઓ મળવાની ગતિ વધતાં જ તે ચોથા નંબર પર પહોંચી ગયુ. અહીં દરરોજ 13 હજારથી વધુ કેસ સામે આવી રહ્યા છે.

·         બંગાળ સરકારે અન્ય રાજ્યોથી વિમાન માર્ગે આવતા મુસાફરો માટે નવી ગાઈડલાઇન બહાર પાડી છે. તદનુસાર, મહારાષ્ટ્ર, કેરળ, કર્ણાટક અને તેલંગાણાથી આવતા લોકો માટે નેગેટિવRT-PCR રિપોર્ટ લાવવો ફરજિયાત રહેશે. આ રિપોર્ટ ફ્લાઇટના પ્રસ્થાનના 72 કલાક પહેલાંનો ન હોવો જોઈએ.

·         કોરોના વધતા જતા કેસોને ધ્યાનમાં રાખીને મહારાષ્ટ્રના લાતુરમાં 27 અને 28 ફેબ્રુઆરીએ જનતા કર્ફ્યુ રહેશે. લાતુરમાં 7 થી 15 ફેબ્રુઆરી દરમિયાન કોરોનાના 261 કેસ નોંધાયા હતા. જ્યારે, છેલ્લા એક અઠવાડિયામાં અહીં 300થી વધુ કેસ નોંધાયા છે. ત્યારબાદ વહીવટી તંત્રે જનતા કર્ફ્યુ રાખવાનો નિર્ણય કર્યો.