અક્ષયકુમારે કોફી વિથ કરણમાં જણાવ્યું હતું કે ઘણા લોકો તેની કેનેડિયન નાગરિકતાના કારણે તેને કેનેડા કુમાર કહે છે, જો કે તેને આવી ટ્રોલિંગથી કોઈ વાંધો નથી.

15 ઓગસ્ટે ફિલ્મ સ્ટાર અક્ષયકુમારને ભારતીય નાગરિકતા મળી હતી. અક્ષયે પોતે ટ્વીટ કરીને માહિતી આપી હતી. તેણે લખ્યું કે 'દિલ અને નાગરિકતા બંને ભારતીય છે. સ્વતંત્રા દિવસની શુભકામના.. જય હિન્દ'. ઉલ્લેખનીય છે કે, અક્ષયકુમાર પાસે હજુ પણ કેનેડિયન પાસપોર્ટ હતો. તેને ઘણીવાર કેનેડિયન કુમાર કહીને પણ ટ્રોલ કરવામાં આવતો હતો.

ડિસેમ્બર 2019માં ભારતીય પાસપોર્ટ માટે અરજી કરી
અક્ષયકુમારને ત્યાંની કન્ઝર્વેટિવ સરકાર દ્વારા કેનેડિયન ફેડરલ ચૂંટણી પછી 2011માં કેનેડિયન નાગરિકતા મળી. ડિસેમ્બર 2019માં, અક્ષયકુમારે ભારતીય પાસપોર્ટ માટે અરજી કરી અને કહ્યું કે તે તેની કેનેડિયન નાગરિકતા છોડી દેવાનો છે.

ફિલ્મો ફ્લોપ થતાં કેનેડાની લીધી હતી નાગરિકતા

વાસ્તવમાં, જ્યારે અક્ષયકુમારની બેક ટુ બેક ફિલ્મો ભારતમાં ફ્લોપ થઈ રહી હતી, ત્યારે તેણે એક મિત્રની સલાહ પર કેનેડામાં સ્થાયી થવાનું નક્કી કર્યું. તેણે પાસપોર્ટ માટે અરજી કરી અને ત્યાંની નાગરિકતા મેળવી. અક્ષયકુમારે કોફી વિથ કરણમાં જણાવ્યું હતું કે ઘણા લોકો તેની કેનેડિયન નાગરિકતાના કારણે તેને કેનેડા કુમાર કહે છે, જો કે તેને આવી ટ્રોલિંગથી કોઈ વાંધો નથી.

OMG 2ની કમાણી 55 કરોડ છે
બીજી તરફ, આ દિવસોમાં સિનેમાઘરોમાં રિલીઝ થઈ રહેલી અક્ષયકુમારની ફિલ્મ 'OMG 2' સારી કમાણી કરી રહી છે. ફિલ્મે રિલીઝના ચોથા દિવસે સોમવારે 12 કરોડ રૂપિયાની કમાણી કરી હતી. આ સાથે આ ફિલ્મનું કુલ કલેક્શન 55 કરોડ સુધી પહોંચી ગયું છે.