BSFના જવાને 9 રાઉન્ડ ફાયરિંગ કરીને ડ્રોન તોડી પાડ્યું
Written By newsonline | Ahmedabad | Published: 2020-06-20 13:31:21
કઠુઆ: જમ્મુ-કાશ્મીરના
કઠુઆના પનસર વિસ્તારમાં BSFએ આજે એક
પાકિસ્તાની ડ્રોન તોડી પાડ્યું છે. પાકિસ્તાન તરફથી જાસુસીના ઈરાદાથી ઉડાવવામાં
આવેલા ડ્રોનમાં હથિયાર પણ એટેચ હતા.
સવારે 5.10
વાગે BSFની
પેટ્રોલિંગ પાર્ટીને ડ્રોન દેખાયું હતું. તે ભારતીય વિસ્તારમાં 250 મીટર
અંદર હતું. BSFના જવાને 9 રાઉન્ડ
ફાયરિંગ કરીને ડ્રોન તોડી પાડ્યું અને હવે આગળની તપાસ થઈ રહી છે.
પાકિસ્તાન
વારંવાર સીઝફાયર તોડે છે
આ દરમિયાન આજે સવારે
8.50 મિનિટે પાકિસ્તાન તરફથી ફાયરિંગ પણ
કરવામાં આવ્યું. જમ્મુ-કાશ્મીરના હીરાનગર સેક્ટરના બબિયા પોસ્ટ પર પાકિસ્તાને અમુક
રાઉન્ડ ફાયરિંગ કર્યું હતું. જોકે હાલ BSF તરફથી
કોઈ જવાબી કાર્યવાહી કરવામાં આવી નથી અને સ્થિતિ પર નજર રાખવામાં આવી રહી છે.