કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે, કર્ણાટકના પૂર્વ મુખ્યમંત્રી સિદ્ધારમૈયા, કર્ણાટક કોંગ્રેસના અધ્યક્ષ ડીકે શિવકુમારે કર્ણાટક વિધાનસભા ચૂંટણી માટે કોંગ્રેસનો ચૂંટણી ઢંઢેરો જાહેર કર્યો હતો.
બેંગ્લોર: ભાજપ બાદ કોંગ્રેસે પણ કર્ણાટક વિધાનસભા માટે પોતાનો ચૂંટણી
ઢંઢેરો જાહેર કર્યો છે. કોંગ્રેસ પાર્ટીએ સરકાર બનાવ્યા બાદ બજરંગ દળ અને પીએફઆઈ
પર પ્રતિબંધ લગાવવાનું વચન આપ્યું છે. પાર્ટીએ કહ્યું- ધર્મના નામે નફરત
ફેલાવનારાઓ સામે કાર્યવાહી કરશે. પાર્ટીએ દરેક પરિવારને 200 યુનિટ મફત વીજળી આપવાની
જાહેરાત કરી છે, જ્યારે પરિવારની દરેક મહિલા વડાને દર મહિને 2 હજાર રૂપિયા આપવામાં
આવશે.
યુવા મતદારોને આકર્ષવા
પાર્ટીએ જાહેરાતો પણ કરી છે. આ અંતર્ગત બે વર્ષ માટે બેરોજગાર સ્નાતકોને દર મહિને 3,000 રૂપિયા અને ડિપ્લોમા
ધારકોને 1,500 રૂપિયા પ્રતિ માસ આપવાની જાહેરાત કરવામાં આવી છે. આ ઉપરાંત મહિલાઓને રાજ્ય
સરકારની બસોમાં મફત મુસાફરીનું વચન પણ આપવામાં આવ્યું છે.
કર્ણાટક વિધાનસભા
ચૂંટણી માટે કોંગ્રેસના મેનિફેસ્ટોના મુખ્ય મુદ્દાઓ.
·
ગૃહ જ્યોતિ હેઠળ, કોંગ્રેસ કર્ણાટકમાં
તમામ ઘરોમાં 200 યુનિટ સુધી મફત વીજળી આપશે.
·
કોંગ્રેસે ઘરની દરેક મહિલા વડાને રૂ. 2,000 આપવાનું વચન આપ્યું છે.
·
ગરીબી રેખા નીચે (BPL) પરિવારના દરેક
વ્યક્તિને દર મહિને 10 કિલો અનાજ મળશે.
·
યુવા નિધિ હેઠળ બેરોજગાર સ્નાતકોને દર મહિને રૂ. 3,000 અને બેરોજગાર ડિપ્લોમા
ધારકોને રૂ. 1,500 આપવામાં આવશે.
·
કોંગ્રેસે રાજ્યભરની તમામ મહિલાઓને નિયમિત KSRTC/BMTC બસોમાં મફત મુસાફરી
આપવાનું વચન આપ્યું છે.
·
નાઇટ ડ્યુટી કરતા પોલીસકર્મીઓને 5000 રૂપિયાનું વિશેષ ભથ્થું
આપવાનું વચન આપ્યું હતું.
·
દર વર્ષે દરિયામાં માછીમારી માટે 500 લીટર ટેક્સ ફ્રી ડીઝલ
આપવામાં આવશે.
·
90 દિવસમાં કામ શરૂ કરવાનું વચન, કોન્ટ્રાક્ટમાં દર્શાવેલ સમયની અંદર કામ પૂર્ણ કરવાનું અને
કોન્ટ્રાક્ટની સમયમર્યાદામાં કોન્ટ્રાક્ટરોના બિલોની પતાવટ કરવાનું વચન.
·
1000 કરોડનું વરિષ્ઠ નાગરિક વેલફેર ફંડ બનાવવાનું વચન.
·
પાંચ હજાર મહિલા ઉદ્યોગ સાહસિકોને મદદ કરવામાં આવશે.
·
કોંગ્રેસે ચૂંટણી ઢંઢેરામાં 25 હજાર નાગરિક
કર્મચારીઓને નિયમિત કરવાનું વચન આપ્યું છે.
·
દૂધ સબસિડી રૂ.5 થી વધારીને રૂ. 7 કરવામાં આવશે.
·
ઘેટા-બકરા માટે ખેડૂતોની એક લાખ રૂપિયા સુધીની લોન માફ
કરવામાં આવશે.