ઇન્દોર, ગોવા, મુંબઇ, દિલ્હી, ચેન્નાઇ, બેંગ્લોર અને કોલકતા સહિતના શહેરો માટે ફ્લાઇટ સેવા શરૂ

અમદાવાદ: ઘરેલું વિમાન સેવા આગામી 25મી મેથી પુર્વવ્રત થવાની છે, ત્યારે અમદાવાદ શહેરથી અન્ય શહેરોને જોડતી 50 જેટલી ફ્લાઇટ શરૂ થઇ જશે, જેમાં અમદાવાદથી તમામ મોટા શહેરો સાથેનું જોડાણ પુર્વવ્રત થઇ જશે. બીજી તરફ આ લોકોડાઉન બાદ શરૂ થઇ રહેલી એરલાઇન્સ કંપનીઓ આડેધડ ભાડા ન ઉઘરાવે તે માટે ભાડા નિયંત્રિત કરવામાં આવ્યા છે.

ભાડુ કેન્દ્ર સરકાર નક્કી કરશે
અમદાવાદ શહેરમાંથી એક જ દિવસે 50 જેટલી ફ્લાઇટ શરૂ થવાની હોવાનું આધારભુત સુત્રો દ્વારા જાણવા મળે છે. 23થી વધારે શહેરો સાથેનું અમદાવાદની એર કનેક્ટિવિટી શરૂ થઇ જશે. આ માટે ઓનલાઇન બુકિંગ પણ શરૂ થઇ ગયું છે. ત્યારે બીજી તરફ આ ફ્લાઇટમાં સોશિયલ ડિસ્ટન્સિંગનું પણ પાલન કરવાના નિયમો બનાવામાં આવ્યા છે. જેનું ફરજિયાતપણે પાલન કરવાનું રહેશે. નોંધનીય છે કે, અમદાવાદથી અન્ય સ્થળો માટે ભાડુ પણ કેન્દ્ર સરકારે નિયંત્રિત કર્યું છે. જેથી રૂ. 2000થી લઇને રૂ 12000 સુધીનું ભાડુ વસુલી શકાશે. તેવી સ્પષ્ટતા કરવામાં આવી છે. અમદાવાદથી અન્ય શહેરો સાથેની એર કનેક્ટીવીટી શરૂ થઇ જતાં હવે વેપાર ઉદ્યોગો સહિત અન્ય પ્રવાસનને પણ જોર મળશે તેવી ધારણા વ્યક્ત કરવામાં આવી રહી છે. અન્ય રાજ્ય ઉપરાંત રાજ્યમાં પોરબંદર, કંડલા સહિતના શહેરને જોડતી ફ્લાઈટ પણ 25મી મેથી રાબેતા મુજબ શરૂ થઈ જશે.

દિલ્હી, મુંબઈ સહિતની ફ્લાઇટ શરૂ થશે
અમદાવાદથી દિલ્હી, મુંબઇ, ચેન્નાઇ, કલકત્તા, ઉપરાંત ઇન્દોર, ભોપાલ, જયપુર, ચંદીગઢ, દહેરાદુન, ગોવા, હૈદરાબાદ, કોચી, લખનઉ, વારણસી, બેંગલુર, ભુવનેશ્વર, પટણા, ગૌહાટી, જલગાંવ, નાસિક, જેસલમેર ઉપરાંત પોરબંદર, કંડલા માટે પણ વિમાન સેવા ચાલુ થઇ જશે.

 અમદાવાદથી ફ્લાઇટના આવાગમન માટે નક્કી કરાયેલા ક્લાસ અને ભાડુ