ભારતની સ્ટાર મહિલા બોક્સર મેરીકોમ રશિયામાં રમાઈ રહેલ વર્લ્ડ બોક્સિંગ ચેમ્પિયનશિપની 51 કિલોગ્રામ કેટેગરીની સેમિફાઇનલમાં પહોંચી ગઈ છે
Written By newsonline | Ahmedabad | Published: 2019-10-10 13:12:46
ભારતની સ્ટાર મહિલા બોક્સર
મેરીકોમ રશિયામાં રમાઈ રહેલ વર્લ્ડ બોક્સિંગ ચેમ્પિયનશિપની 51 કિલોગ્રામ કેટેગરીની સેમિફાઇનલમાં પહોંચી
ગઈ છે. ગુરુવારે ક્વાર્ટફાઇનલમાં તેણે કોલંબિયાની ઇન્ગ્રિત વેલેન્સિયાને 5-0થી હરાવી હતી. આ જીત સાથે મેરીકોમે વર્લ્ડ
ચેમ્પિયનશિપમાં આઠમો મેડલ નિશ્ચિત કરી દીધો છે. તેણે પ્રથમવાર 51 કિલોગ્રામની કેટેગરીમાં ભાગ લીધો છે. આ
પહેલાના સાતેય મેડલ તેણે 48 કિલોગ્રામની
કેટેગરીમાં જીત્યા હતા.
મેરીકોમે વર્લ્ડ ચેમ્પિયનશિપમાં અત્યાર સુધી 6 ગોલ્ડ અને 1 સિલ્વર મેડલ
જીત્યો છે. તેણે પહેલો મેડલ 2001માં જીત્યો હતો. તે પછી તે સતત 6 વાર ચેમ્પિયન
બનવામાં સફળ રહી હતી. તેણે 2012 લંડન ઓલિમ્પિક્સમાં બ્રોન્ઝ મેડલ
પોતાના નામે કર્યો હતો. એશિયન ગેમ્સમાં તેણે એક ગોલ્ડ અને એક બ્રોન્ઝ, જયારે 2018 કોમનવેલ્થ
ગેમ્સમાં ગોલ્ડ જીત્યો હતો. તે એશિયન ચેમ્પિયનશિપમાં 5 ગોલ્ડ, 1 બ્રોન્ઝ અને
એશિયન ઇન્ડોર ગેમ્સમાં એક ગોલ્ડ મેડલ જીતી ચૂકી છે.
Related News
