રાફેલ સામેલ થયા પછી ક્ષમતામાં વધારો થયો
વાયુસેનાના પ્રમુખ એર
ચીફ માર્શલ આરકેએસ ભદોરિયાએ કહ્યું કે લદ્દાખમાં ચીન સાથે ચાલી રહેલા તણાવ વચ્ચે
ઉત્તરીય મોરચાની સ્થિતિ બેચેન છે. અહીં ન તો યુદ્ધ છે અને ન શાંતિ. એક સેમિનાર
દરમિયાન એર ચીફ માર્શલે કહ્યું હતું કે, ભારતીય વાયુસેનાએ સંજોગોની દ્રષ્ટિએ ખૂબ જ તીવ્ર પ્રતિક્રિયા
આપી છે અને અમે કોઈપણ કાર્યવાહીનો સામનો કરવા તૈયાર છીએ.
ભારત
અને ચીન વચ્ચે ચાલી રહેલા તણાવ દરમિયાન, આ મહિને 5 રાફેલ ફાઇટર જેટને એરફોર્સમાં સામેલ કરવામાં આવ્યા છે
અને છેલ્લા કેટલાક સપ્તાહથી રાફેલની ટુકડી લદ્દાખની ઉડાન ભરી રહી છે.
રાફેલ સામેલ થયા પછી
ક્ષમતામાં વધારો થયો
ચીફ
ઓફ એર સ્ટાફે કહ્યું કે રાફેલ સી-17 ગ્લોબ માસ્ટર, ચિનૂક અને અપાચે જેવા
એરક્રાફ્ટ એરફોર્સમાં સામેલ થયા ત્યારથી અમારી ક્ષમતાઓમાં ઘણો જ વધારો થયો છે.
ભવિષ્યના કોઈપણ યુદ્ધમાં એરફોર્સની તાકાત જ જીત માટે મહત્વની રહેશે. આવી સ્થિતિમાં
અમારા માટે એ જરૂરી બને છે કે અમે ટેકનોલોજીથી સક્ષમ બનીએ અને આ દ્રષ્ટિકોણથી
વિરોધીઓથી આગળ રહીએ.
એર
ચીફ માર્શલ ભદોરિયાએ જણાવ્યું હતું કે ખૂબ જ ઓછા સમયમાં અમે લાઇટ કોમ્બેટ
એરક્રાફ્ટ તેજસના બે સ્ક્વોડ્રન તૈયાર કર્યા છે અને સુખોઈ-30 એમકેઆઈ ફાઇટર જેટને
સ્વદેશી શસ્ત્રોથી સજ્જ કર્યું છે. તે દેશમાં યુદ્ધ સામગ્રી તૈયાર કરવાની ક્ષમતાને
દર્શાવે છે.
સેના પણ લદ્દાખમાં તૈયાર, ટેન્ક તૈનાત કર્યા
લદ્દાખમાં, સેનાએ લાંબી શિયાળાની
ઋતુમાં પણ મોરચો સંભાળવાની તૈયારીની પુષ્ટિ કરી છે. સેનાએ પૂર્વ લદ્દાખમાં લાઇન ઓફ
એકચ્યુઅલ કંટ્રોલ (એલએસી)ની નજીક આર્મર્ડ રેજિમેન્ટની ટી-90 અને ટી-72 ટેન્કોને તૈનાત કર્યા
છે. આ સિવાય બીએમપી -2
કોમ્બેટ
વ્હીકલ પણ મોકલવામાં આવ્યા છે. આ યુદ્ધક ટેન્કો 14 હજાર 500 ફૂટની ઉંચાઇએ
ચૂમાર-ડેમચોક વિસ્તારમાં તૈનાત કરવામાં આવ્યા છે. તેને ટેન્કોની દ્રષ્ટિએ વિશ્વનું
સૌથી ઊંચું યુદ્ધનું ક્ષેત્ર કહેવામાં આવે છે.