અમેરિકા, ઇજિપ્તમાં પણ કાર્યકરોની માહિતી મારી પાસે પહોંચી
વડાપ્રધાન નરેન્દ્ર
મોદી આજે ભોપાલમાં છે. તેમણે રાણી કમલાપતિ રેલવે સ્ટેશનથી દેશની પાંચ નવી વંદે
ભારત ટ્રેનને લીલી ઝંડી બતાવી હતી. પીએમએ અગાઉ રાંચી-પટના, ધારવાડ-કેએસઆર બેંગલુરુ
અને ગોવા (મડગાંવ)-મુંબઈને વર્ચ્યુઅલ લોન્ચ કર્યું હતું. બાદમાં મધ્યપ્રદેશની બે
વંદે ભારત ભોપાલ-ઈન્દોર અને રાણી કમલાપતિ-જબલપુર ટ્રેનોને લીલી ઝંડી બતાવી રવાના
કરવામાં આવી હતી. આ બંને ટ્રેનો રાણી કમલાપતિ રેલવે સ્ટેશનથી એકસાથે રવાના થઈ હતી.
આ પહેલાં પીએમ મોદીએ ટ્વીટ કર્યું હતું કે 'આ ટ્રેનો મધ્યપ્રદેશ, કર્ણાટક, મહારાષ્ટ્ર, ગોવા, બિહાર અને ઝારખંડમાં
કનેક્ટિવિટી સુધારશે.'
વડાપ્રધાન ભોપાલથી
મધ્યપ્રદેશ, રાજસ્થાન અને છત્તીસગઢની ચૂંટણી અને 2024ની લોકસભાની ચૂંટણી
માટે ચૂંટણીપ્રચારની શરૂઆત કરવા આવ્યા છે. ભોપાલના મોતીલાલ નેહરુ સ્ટેડિયમમાં 'મારું બૂથ, સૌથી મજબૂત' અભિયાન હેઠળ 543 લોકસભાના 10 લાખ અને મધ્યપ્રદેશમાં 64,100 બૂથના કાર્યકરોને
ડિજિટલી સંબોધન કર્યું હતું. અહીં રાજ્યના તમામ વિધાનસભા વિસ્તારોમાંથી હજારો
કાર્યકરો પણ હાજર રહ્યા હતા.
વડાપ્રધાને 'મારું બૂથ-સૌથી મજબૂત'માં પાર્ટીના એક
કાર્યકરના સવાલના જવાબમાં કહ્યું, આંગણવાડીમાં જન્મદિવસની ઉજવણી કરો, પિતાજીની પુણ્યતિથિ પણ
આંગણવાડીમાં મનાવો, લગ્નની વર્ષગાંઠ પણ આંગણવાડીમાં ઊજવો. તેને ઘરેથી ખાવાનું બનાવીને આ બાળકોને
ખવડાવો. આનાથી તમે તેનો આનંદ માણશો અને આ બાળકોનું કુપોષણ પણ દૂર થશે.
PM કહ્યું, 'જે કોઈપણ ટ્રિપલ તલાકની
તરફેણમાં વાત કરે છે અને વકીલાત કરે છે, તેઓ વોટ બેંકના ભૂખ્યા
છે. તેઓ મુસ્લિમ દીકરીઓ સાથે મોટો અન્યાય કરી રહ્યા છે.'
'મારું બૂથ, સૌથી મજબૂત'ના મંચ પરથી
મુખ્યમંત્રી શિવરાજ સિંહ ચૌહાણે કહ્યું, 'અમે ભાગ્યશાળી
છીએ કે અમે ભારતમાં જન્મ લીધો છે અને એવા સમયે ભાજપના કાર્યકર્તા છીએ, જ્યારે
વડાપ્રધાન નરેન્દ્ર મોદી નેતૃત્વ કરી રહ્યા છે. મોદી નામ એક મંત્ર બની ગયો છે. આજે
દરેક દેશ આ મંત્રનો જાપ કરી રહ્યો છે.
વડાપ્રધાનના ભાષણની
મહત્ત્વની વાતો...
રાજકીય પક્ષ બનાવવામાં MPની ભૂમિની મોટી ભૂમિકા
વડાપ્રધાને કહ્યું, ઊભરતા ભાજપને વિશ્વની સૌથી મોટી રાજકીય પાર્ટી બનાવવામાં MPની ભૂમિની મોટી ભૂમિકા
છે. એટલા માટે આવા મહેનતુ એમપીની ધરતી પર 'મારું બૂથ' 'સૌથી મજબૂત' કાર્યક્રમનો ભાગ બનવાનો
આનંદ થઈ રહ્યો છે. ગૌરવ અનુભવું છે. થોડા સમય પહેલાં મને દેશનાં 6 રાજ્યોને જોડતી પાંચ
વંદે ભારત ટ્રેનોને એકસાથે લીલી ઝંડી બતાવવાની તક પણ મળી છે.
વંદે ભારત સાથેની
યાત્રા ઝડપી, આધુનિક અને સુવિધાજનક હશે
આ આધુનિક વંદે ભારત
ટ્રેનની કનેક્ટિવિટી માટે હું મધ્યપ્રદેશ, ઝારખંડ, બિહાર, કર્ણાટક, ગોવા અને મહારાષ્ટ્રના
લોકોને અભિનંદન આપું છું. એમ.પી.ને ખાસ અભિનંદન. અહીં એકસાથે બે વંદે ભારત ટ્રેન
મળી આવી છે. અત્યાર સુધી મુસાફરો ભોપાલ અને દિલ્હી વચ્ચે વંદે ભારતની યાત્રાનો
આનંદ માણી રહ્યા હતા. હવે ભોપાલથી ઈન્દોર અને રાણી કમલાપતિથી જબલપુરની સફર ઝડપી, આધુનિક અને સુવિધાજનક
હશે.
અમેરિકા, ઇજિપ્તમાં પણ
કાર્યકરોની માહિતી મારી પાસે પહોંચી
નવ વર્ષ પૂરાં થવા પર દેશભરમાં કાર્યક્રમોનું આયોજન કરવામાં આવી રહ્યું છે અને
તમે કરેલી મહેનતની માહિતી સતત મારા સુધી પહોંચી રહી છે. જ્યારે, અમેરિકા અને
ઇજિપ્તમાં હતો ત્યારે પણ માહિતી મળતી રહી હતી. તેથી જ ત્યાંથી મારા આગમન પર તમને
સૌ પ્રથમ મળવાનું મારા માટે વધુ સુખદ અને આનંદદાયક છે.
ભાજપની સૌથી
મોટી તાકાત તેના કાર્યકરો છે
નવ વર્ષ પૂરાં થવા પર દેશભરમાં કાર્યક્રમોનું આયોજન કરવામાં આવી રહ્યું છે અને
તમે કરેલી મહેનતની માહિતી સતત મારા સુધી પહોંચી રહી છે. જ્યારે હું અમેરિકા અને
ઇજિપ્તમાં હતો ત્યારે પણ મને આ માહિતી મળતી હતી. તેથી જ ત્યાંથી મારા આગમન પર તમને
સૌપ્રથમ મળવું મારા માટે વધુ સુખદ અને આનંદદાયક છે. ભાજપની સૌથી મોટી તાકાત તમે
બધા કાર્યકરો છો.