પંજાબ પોલીસને મળી મોટી સફળતા, મોટી માત્રામાં મળી આવ્યું ડ્રગ્સ
ચંદીગઢ: પંજાબ પોલીસે છેલ્લા
અઠવાડિયામાં 258
FIR હેઠળ
નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) હેઠળ 366 ડ્રગ્સ તસ્કરો અને
સપ્લાયર્સની ધરપકડ કરી છે. પોલીસ મહાનિરીક્ષક (આઈજીપી) હેડક્વાર્ટર સુખચૈન સિંહ
ગિલે જણાવ્યું હતું કે,
પોલીસે
8.44 કિલો હેરોઈન, 7.75 કિલો અફીણ, 17.64 કિલો ગાંજા, 19 ક્વિન્ટલ ભૂસું અને 59 કિલો નશાની ગોળીઓ, કેપ્સ્યુલ્સ, ઈન્જેક્શન અને વાઈલ્સ
જપ્ત કર્યા છે. આ સિવાય તેની પાસેથી 1.22 કરોડ રૂપિયાની ડ્રગ મની પણ મળી
આવી છે. તેમણે કહ્યું કે,
ગયા
અઠવાડિયે NDPS
કેસમાં
15 વધુ ભાગેડુઓની ધરપકડ
સાથે કુલ ધરપકડનો આંકડો 444
પર
પહોંચી ગયો છે. કારણ કે,
5 જુલાઇ
2022ના રોજ ભાગેડુઓને પકડવા
માટે વિશેષ અભિયાન ચલાવવામાં આવ્યું હતું.
બીજી
તરફ, પોલીસે સોમવારે અમૃતસરમાં વેર્કા બાયપાસ
પાસે 13 કિલો હેરોઈન રિકવર કર્યા બાદ રાજસ્થાનના
બે ડ્રગ-તસ્કરોની પણ ધરપકડ કરી છે. ધરપકડ કરાયેલા લોકોની ઓળખ રાજસ્થાનના રહેવાસી
સુખબીર સિંહ ઉર્ફે કાલા અને બિંદર સિંહ ઉર્ફે બિંદુ તરીકે થઈ છે.
ઉલ્લેખનીય
છે કે, પંજાબના DGP ગૌરવ
યાદવે તમામ સીપી, એસએસપીને કડક
સૂચના આપી હતી કે, તેઓ દરેક
કેસમાં આગળ-પાછળની કડીઓની નજીકથી તપાસ કરે, ખાસ
કરીને ડ્રગ્સની રિકવરી, પછી
ભલે તેમની પાસે માત્ર થોડી માત્રા હોય. આ દરમિયાન, પંજાબને
નશામુક્ત રાજ્ય બનાવવા માટે મુખ્ય પ્રધાન પંજાબ ભગવંત માનની માર્ગદર્શિકા હેઠળ, પંજાબ પોલીસ દ્વારા સરહદી રાજ્યમાં ડ્રગ્સના દૂષણને રોકવા
માટે વ્યાપક ડ્રગ વિરોધી ઝુંબેશ શરૂ કરવામાં આવી છે. ડીજીપીએ તમામ સીપી/એસએસપીને
ડ્રગ પેડલિંગના તમામ હોટસ્પોટ્સને ઓળખવા માટે કડક આદેશો આપ્યા છે અને તમામ ટોચના
ડ્રગ હેરફેર કરનારાઓને પણ તેમના સંબંધિત અધિકારક્ષેત્રમાં ઓળખવા જોઈએ. તેમણે પોલીસ
વડાઓને પણ પકડાયેલા તમામ ડ્રગ પેડલર્સની મિલકત જપ્ત કરવા સૂચના આપી હતી. જેથી
કરીને તેમના ગેરકાયદેસર નાણાં પાછા મેળવી શકાય.