2011માં આ વીડિયો અપલોડ કરવામાં આવ્યો હતો
મુંબઈ: સ્વ. ગુલશન કુમારને ભક્તિ સંગીત માટે ઓળખવામાં આવે છે. તેમણે પોતાની કંપની ટી-સીરિઝ હેઠળ આ ભક્તિ સંગીતના વીડિયો બનાવવાની શરૂઆત કરી હતી. તેમના નિધન બાદ દીકરા ભૂષણ કુમારે પિતાની પરંપરાને ચાલુ રાખી છે. હાલમાં જ ટી સીરિઝના હનુમાન ચાલીસાના વીડિયોને એક અબજથી વધુ વ્યૂઝ યૂટ્યુબ પર મળ્યાં હતાં. ભૂષણ કુમારે આ અંગે ટ્વીટ પણ કરી હતી.
ટ્વીટમાં શું કહ્યું?
ભૂષણ કુમારે ટ્વીટ કરીને કહ્યું હતું, ટી સીરિઝ પરિવાર માટે આજે
આનંદનો સમય છે. આપણાં હનુમાન ચાલીસાનો વીડિયો યૂટ્યુબ પર 1 બિલિયન (એક અબજ)થી વધુ વ્યૂઝ
મેળવનાર પહેલો ભક્તિ વીડિયો બની ગયો છે. ડેડી, તમારા આશીર્વાદ આ જ રીતે અમારી સાથે રહેશે અને આવા અનેક માઈલસ્ટોન મેળવવામાં
અમારી મદદ કરશે.
2011માં અપલોડ કરવામાં આવ્યો હતો
હનુમાન ચાલીસાનો આ વીડિયો વર્ષ 2011માં 10 મેના રોજ અપલોડ કરવામાં
આવ્યો હતો. આ વીડિયોમાં સ્વ. ગુલશન કુમાર જોવા મળે છે. સિંગર હરિહરણે હનુમાન
ચાલીસા ગાયા છે. લલિત સેન તથા ચંદરે મ્યૂઝિક આપ્યું છે. ઓરિજિનલી હનુમાન ચાલીસાની
રચના તુલસીદાસે કરી હતી. આ વીડિયો ટી સીરિઝની ભક્તિ સાગર ચેનલ પર પોસ્ટ કરવામાં
આવ્યો છે. આ વીડિયોનું પૂરું નામ ‘હનુમાન ચાલીસા - હનુમાન અષ્ટક’ છે. ઉલ્લેખનીય છે કે યૂટ્યુબ પર ટી સીરિઝને 140 મિલિયનથી વધુ સબસ્ક્રાઈબર્સ છે.
જ્યારે ભક્તિ સાગર ચેનલને 29.3 મિલિયન સબસ્ક્રાઈબર્સ
છે. ઉલ્લેખનીય છે કે ટી સીરિઝનું આ બીજું ગીત છે, જેને એક અબજથી વધુ વ્યૂઝ મળ્યા છે. આ પહેલાં પંજાબી ગીત ‘લૉગ લાચી’ને એક અબજથી વધુ વ્યૂ મળ્યાં
હતાં. આ ગીત વર્ષ 2018માં 21 ફેબ્રુઆરીએ અપલોડ કરવામાં
આવ્યું હતું. આ ગીતને પંજાબી સિંગર મન્નત નૂરે ગાયું હતું.
ભારતમાં સૌથી વધુ જોવાયેલા ટોપ 10 યૂટ્યુબ મ્યૂઝિક વીડિયો
નંબર |
ગીતનું નામ |
વ્યૂઝ (અબજમાં) |
ભાષા |
1 |
ફોનિક્સ સોંગ વિથ ટૂ વર્ડ્સ |
2.57 |
અંગ્રેજી |
2 |
જ્હોની જ્હોની યસ પાપા |
1.74 |
અંગ્રેજી |
3 |
હમ્પ્ટી ટ્રેન ઔર ઉસકે ફલ |
1.60 |
હિંદી |
4 |
લકડી કી કાઠી |
1.25 |
હિંદી |
5 |
સરપ્રાઈઝ એગ્સ (નર્સરી રાઈમ્સ) |
1.13 |
અંગ્રેજી |
6 |
લૉગ લાચી |
1.08 |
પંજાબી |
7 |
ચલ ચલ ગુર્રમ |
1 |
તેલુગુ |
8 |
હનુમાન ચાલીસા |
1 |
હિંદી-સંસ્કૃત |
9 |
નાની તેરી મોરની કે મોર લે ગયે |
0.98 |
હિંદી |
10 |
ફિંગર ફેમિલી સોંગ |
0.93 |
અંગ્રેજી |