આ શો ને લઇને એક અપડેટ સામે આવ્યુ છે. દર વર્ષે બિગ બોસના ઘરની થીમ બદલાતી રહે છે.
ટીવીના સૌથી લોકપ્રિય રિયાલિટી શો 'બિગ બોસ'ની નવી સીઝન ફરી એકવાર ટીવી પર આવવા જઇ રહી છે. દર વર્ષની જેમ આ વખતે પણ બિગ બોસના ચાહકોમાં આ શોને લઈને ઉત્સુકતા જોવા મળી રહી છે. મળતી માહિતી પ્રમાણે સલમાન ખાનનો આ શો 15 ઓક્ટોબરથી શરૂ થવા જઈ રહ્યો છે. આ શો ને લઇને એક અપડેટ સામે આવ્યુ છે. દર વર્ષે બિગ બોસના ઘરની થીમ બદલાતી રહે છે.
આ દરમિયાન 'બિગ બોસ'ના સેટ પરથી એક વીડિયો સામે આવ્યો છે, જે વાયરલ થઈ રહ્યો છે. આ વાયરલ વીડિયોમાં બિગ બોસના ઘરનો સેટ તૈયાર કરવામાં આવી રહ્યો છે. નવા ઘરની અંદરની ઝલક જોઈ શકાય છે. આ વખતે બિગ બોસનું ઘર ખૂબ જ આલીશાન બનવાનું છે. આ સિઝન ખૂબ જ મજેદાર રહેવાની છે.
આ વખતે થીમ કપલ વર્સિસ સિંગલ છે. એવા અહેવાલો છે કે, પ્રખ્યાત ટીવી અભિનેત્રી અંકિતા લોખંડે અને તેના પતિ વિકી જૈન આ સિઝનમાં શોમાં ભાગ લેવાના છે. આ સિવાય મુનાવર ફારૂક, શીઝાન કાન, અરમાન મલિક, ઈશા માલવિયા અને મિસ્ટર ફૈજુ પણ આ શો માં આવવાના અહેવાલ છે. જો કે, આ શોમાં આવનાર કોઈપણ સભ્યો વિશે હજુ સુધી કોઈ સત્તાવાર માહિતી સામે આવી નથી.