રવિવારે દેવભૂમિ દ્વારકામાં ખંભાળિયા સહિતના તાલુકામાં વાદળ ફાટ્યું હતું

ગાંધીનગર: આજે પણ કચ્છ અને સૌરાષ્ટ્રમાં મેઘરાજાએ મહેર વરસાવી છે. આજે સવારે 6 વાગ્યાથી 8 વાગ્યા સુધી રાજ્યના 112 તાલુકામાં વરસાદ નોઁધાયો છે અમરેલીના જાફરાબાદ અને જામનગરના કાલાવડમાં 2 ઈંચ વરસાદ છે.ઉપરાંત ગીરસોમનાથના ગીર ગઢડામાં 44 મિમિ, ખેડામાં 32મિમિ, જામનગરના જામજોધપુરમાં 30 મિમિ, જ્યારે જૂનાગઢના માણાવદર, કચ્છના ભચાઉમાં 29 મિમિ અને અમરેલીન ખાંભામાં 28 મિમિ વરસાદ નોઁધાયો છે.

આજના એક ઈંચ સુધીના વરસાદના આંકડા

રવિવારે દેવભૂમિ દ્વારકામાં આભ ફાટ્યું
ગઈકાલે રવિવારે સૌરાષ્ટ્ર અને દક્ષિણ ગુજરાતના દરિયાકાંઠે 4થી 18 ઇંચ વરસાદ ખાબક્યો હતો. મધ્ય ગુજરાતનો કેટલોક હિસ્સો હજુ કોરો રહ્યો છે. જો કે હવામાન વિભાગે આગામી બે દિવસ માટે ગુજરાતમાં રેડ એલર્ટ જાહેર કર્યું છે. ખંભાળિયામાં રવિવારે આભ ફાટ્યું હોય તેવી પરિસ્થિતિ સર્જાઇ હતી.ખંભાળિયામાં બે કલાકમાં જ 12 ઇંચ પાણી વરસતા શહેરમાં સ્થળ ત્યાં જળ જેવી પરિસ્થિતિ જોવા મળી હતી. 8  કલાકમાં 18 ઇંચ જેટલો વરસાદ વરસતા શહેરમાં ઠેર ઠેર પાણી ભરાયા હતાં. દેવભૂમિદ્વારકા જિલ્લામાં સાર્વત્રિક ભારે વરસાદ થયો છે.

રાજ્યમાં 487થી 110 મિમિ સુધીના વરસાદના આંકડા

ગુજરાતમાં રેડ એલર્ટ, મધ્યપ્રદેશ સહિત 4 રાજ્યમાં ઓરેન્જ એલર્ટ
હવામાન વિભાગે મધ્યપ્રદેશ, ઓડિશા, યુપી અને ગુજરાતમાં ભારે વરસાદનું ઓરેન્જ એલર્ટ જાહેર કર્યુ છે. તે ઉપરાંત આજે સોમવારે ગુજરાતના કચ્છ અને સૌરાષ્ટ્રમાં ભારે વરસાદનું રેડ એલર્ટ રહેશે. રવિવારે રાતથી જ સૌરાષ્ટ્રમાં મોટાપાયે વરસાદ ખાબકડવાનું શરૂ થઈ ગયું છે. આગામી બે દિવસ ભારે રહેશે.

દેશમાં 5 સાઈક્લૉનિક સર્ક્યુલેશન, ગુજરાતમાં સારા વરસાદની સંભાવના
હાલના સમયે દેશમાં અલગ અલગ 5 સાઈક્લૉનિક સર્ક્યુલેશન બનેલા છે. તે ઉપરાંત એક મોનસૂની ટર્ફ અનુપગઢ, સીકર, ગ્વાલિયર, સીધી, રાંચી, જમશેદપુરથી લઇને હલ્દીયા સુધી, બીજો ટર્ફ દક્ષિણ ગુજરાતથી કર્ણાટક સુધી ફેલાયેલો છે. આ કારણે ગુજરાત, ઓડિશા, પ.બંગાળ, પૂર્વ યુપી, તટીય આંધ્રમાં આગામી 4 દિવસોમાં ભારે વરસાદ થવાની આશંકા છે.