દેશમાં કુલ 21 કરોડ વાહનોમાં 14 કરોડ દ્વિચક્રી વાહનો છે
Written By newsonline | Ahmedabad | Published: 2020-07-28 09:18:25
નવી દિલ્હી: દ્વિચક્રી વાહનમાં પાછળ બેસનારને પકડવા માટે હેન્ડલ
અનિવાર્ય કરાયું છે. અકસ્માત ઓછા કરવા માર્ગ પરિવહન મંત્રાલયે અનેક પરિવર્તનનો
નિર્ણય લીધો છે. આ અંગેનું જાહેરનામું બહાર પાડી દેવાયું છે. તેને લાગુ કરવા
દ્વિચક્રી વાહન કંપનીઓને દોઢ વર્ષનો સમય અપાયો છે. જાન્યુઆરી 2022થી દ્વિચક્રી વાહનોમાં આ તમામ પરિવર્તન અનિવાર્ય હશે.
દેશમાં કુલ 21 કરોડ વાહનોમાં 14 કરોડ
દ્વિચક્રી વાહનો છે. તેઓ જ સૌથી વધુ અકસ્માતનો ભોગ બનતા હોવાથી આ નિર્ણય લેવાયો
છે.
આ પરિવર્તન થશે
·
પાછળ બેસનાર
માટે હેન્ડલ અનિવાર્ય જેથી ઝટકો લાગે ત્યારે તે એકાએક ઉછળી ન પડે
·
જમણી તરફના
પૈડાને કવર કરવાનું રહેશે જેથી સાડી, દુપટ્ટો કે
કોઈ કપડું ફસાય નહીં.
·
સાઈડ
સ્ટેન્ડ ગોળાકાર કરાશે. ઘણીવાર સાઈડ સ્ટેન્ડ રહી જવાથી વળાંક સમયે સંતુલન ખોરવાય
છે.
·
ફૂટરેસ્ટ પણ
નિશ્ચિત માપના હશે. દરેક વાહનમાં સમાન પેટર્ન.
·
ડિલિવરી
બોક્સની સાઈઝ પણ નિશ્ચિત કરાશે. બોક્સની લંબાઈ 550 મિમી, પહોળાઈ 510 મિમી, ઊંચાઈ 500 મિમી હોવી જોઈએ.
Related News
