2007માં T-20 વર્લ્ડ કપ ફાઇનલમાં મેન ઓફ ધ મેચનો એવોર્ડ તેના કરિયરની શ્રેષ્ઠ મોમેન્ટ્સ છે
ગુવાહાટી : ઈરફાન
પઠાણે શનિવારે તમામ પ્રકારના ક્રિકેટમાંથી નિવૃત્તિ જાહેર કરી હતી. લેફ્ટ આર્મ
ફાસ્ટ બોલર ભારત માટે 29 ટેસ્ટ, 120 વનડે અને 24 T-20 રમ્યો હતો અને તે દરમિયાન કુલ 301 વિકેટ લીધી હતી. તેણે 19 વર્ષની વયે ઓસ્ટ્રેલિયા વિરુદ્ધ
એડિલેડ ખાતે ડિસેમ્બર 2003માં ડેબ્યુ
કર્યું હતું. 2006માં
પાકિસ્તાન સામે ટેસ્ટ હેટ્રિક, 2007માં T-20 વર્લ્ડ કપ ફાઇનલમાં મેન ઓફ ધ
મેચનો એવોર્ડ તેના કરિયરની શ્રેષ્ઠ મોમેન્ટ્સ છે.
તેને
ભારતના શ્રેષ્ટ ઓલરાઉન્ડર્સમાંથી એક માનવામાં આવે છે. વનડેમાં ગ્રેગ ચેપલે તેને
ત્રીજા ક્રમે બેટિંગમાં પ્રમોટ કર્યો હતો. ઇરફાને 29 ટેસ્ટમાં 31.57ની એવરેજથી 1 સદી અને 6 ફિફટી સહિત 1105 રન કર્યા છે. જયારે વનડે અને T-20માં અનુક્રમે તેની એવરેજ 23.39 અને 24.57ની રહી હતી. તે પોતાની અંતિમ
ટેસ્ટ 2008માં દક્ષિણ
આફ્રિકા સામે રમ્યો હતો. જયારે અંતિમ વનડે 2012માં શ્રીલંકા સામે અને અંતિમ T-20 એ જ વર્ષે દક્ષિણ આફ્રિકા સામે
રમ્યો હતો. તેણે ફર્સ્ટ ક્લાસ ક્રિકેટમાં 384 વિકેટ સાથે કરિયર સમાપ્ત કર્યું
છે. લિસ્ટ-Aમાં 272 અને T-20માં 173 વિકેટ લીધી છે. બરોડાનો ઈરફાન ગઈ
સીઝનથી જમ્મુ કાશ્મીર માટે રમતો હતો. 35 વર્ષીય ઓલરાઉન્ડર પોતાની અંતિમ IPL મેચ 2017માં રમ્યો હતો અને તે પછીના
ઓક્શનમાં વેચાયો નહોતો.