વીડિયો કોન્ફરન્સિંગ મારફતે કોંગ્રેસ અધ્યક્ષ સાથે વાત કરશે મુખ્યમંત્રી ઉદ્ધવ ઠાકરે

મુંબઈ: કોંગ્રેસ અધ્યક્ષ સોનિયા ગાંધીના વડપણ હેઠળ શુક્રવારે 17 વિપક્ષી પાર્ટીઓના નેતાઓની શ્રમિકોને પલાયન અને રાહત પેકેજના મુદ્દે મહત્વની બેઠક થશે. બેઠક બપોરે ત્રણ વાગે વીડિયો કોન્ફરન્સિંગ મારફતે યોજાશે. શિવસેના પ્રમુખ ઉદ્ધવ ઠાકરે મહારાષ્ટ્રના મુખ્યમંત્રી બન્યા બાદ પહેલી વખત વિપક્ષી દળોની બેઠકમાં સામેલ થશે.

ઉદ્ધવે કોગ્રેસ અને NCPના સમર્થનથી મહારાષ્ટ્રમાં સરકાર બનાવી છે. જોકે આમ આદમી પાર્ટી આ બેઠકમાં ભાગ નહીં લે. આમ આદમી પાર્ટીના નેતા સંજય સિંહે સમાચાર સંસ્થાને આ જાણકારી આપી હતી.
 
શિવસેનાએ ભલે મહારાષ્ટ્રમાં NCP અને કોંગ્રેસનો સાથ લઈ સરકાર બનાવી હોય પણ રાષ્ટ્રીય સ્તર પર તે UPA નો હિસ્સો નથી. ઉદ્ધવ બેઠકમાં સામેલ થશે તેની પુષ્ટી શિવસેના સાંસદ સંજય રાઉત તરફથી આપવામાં આવી છે. પ્રાપ્ત માહિતી પ્રમાણે વિપક્ષી નેતા વીડિયો કોન્ફરન્સિંગ મારફતે કોંગ્રેસ અધ્યક્ષ સાથે વાત કરશે.

મમતા વિપક્ષી દળોની બેઠકમાં સામેલ થશે

અમ્ફાન તોફાનને લીધે સર્જાયેલી તબાહીની સ્થિતિ વચ્ચે પશ્ચિમ બંગાળની મુખ્યમંત્રી મમતા બેનર્જી આ બેઠકમાં ભાગ લેવા સહમતી દર્શાવી છે. પણ સમાજવાદી પાર્ટી તથા બહુજન સમાજ પાર્ટીએ અત્યાર સુધી બેઠકમાં સામેલ થવાની પુષ્ટી કરી નથી.

સૂત્રોના જણાવ્યા પ્રમાણે સોનિયાએ વિપક્ષી દળોને કોઈ નેતાઓને ફોન કરી પ્રવાસી શ્રમિકોના પલાયનના મુદ્દે રણનીતિ તૈયાર કરવામાં તેનું સમર્થન માંગ્યું છે. બેઠકમાં શ્રમ કાયદામાં થયેલા ફેરફાર અંગે ચર્ચા થશે. કેટલાક રાજ્યોમાં કામના કલાકોને વધાર્યા છે. વિપક્ષોએ તેને તેને શ્રમિકો વિરોધી ગણાવ્યા છે.

વિપક્ષે શ્રમિકોને આર્થિક મદદ આપવા માંગ કરી રહી છે

બેઠકમાં કેન્દ્ર દ્વારા જારી રાહત પેકેજના મુદ્દે પણ ચર્ચા થશે. અનેક વિપક્ષી દળોએ પ્રવાસી શ્રમિકોને સીધી આર્થિક મદદ નહીં આપવા કેન્દ્રના નિર્ણય અંગે વાંધો ઉઠાવ્યો છે. તેમનું કહેવું છે કે કોરોના વાઈરસને લીધે શ્રમિકો પાસે અગાઉથી કોઈ કામ નથી. તેઓ ચાલીને શ્રમિકો ઘરો તરફ પરત ફરી રહ્યા છે.

પ્રવાસી શ્રમિકોના ખાતામાં રૂપિયા 7500 આપવામાં આવેઃ યેચુરી

સીપીઆઈના મહામારી સીતારામ યેચુરી પણ બેઠકમાં સામેલ થશે. સૂત્રોના જણાવ્યા પ્રમાણે તે પ્રવાસી શ્રમિકો અને દરેક ગરીબના ખાતામાં તાત્કાલિક રૂપિયા 7500 ટ્રાન્સફર કરવાની માંગ પર વિપક્ષી દળોનું સમર્થન માંગશે. આ ઉપરાંત પ્રવાસી શ્રમિકોને મફતમાં તેમના રાજ્યોમાં પહોંચાડવા ઉપરાંત આગામી 6 મહિના સુધી ગરીબોને 10 કિલો ફ્રી રાશનની માંગ કરશે.